Tags Posts tagged with "زواج"

زواج

فوزي وفوزية
فوزي وفوزية Photo Credit: Pixabay
shareEmail this to someonePin on PinterestShare on Google+Tweet about this on TwitterShare on Facebook

كتبت هبة السواح:

دايماً اما نتكلم عن الفرق بين الرجل والمرأة بنتكلم عن القاعدة العامة (زي ما نقول مثلا ان عموماً الرجال أطول من النساء اللي في نفس سنهم) القاعدة دي في العموم لكن هل ممكن نلاقي ست وراجل اد بعض في السن والست أطول؟ ممكن طبعا! هل ممكن نلاقي راجل بيعرف يعمل multitasking وست هي اللي مش بتعرف.. اه طبعا! لكن مش ده الغالب

الجزء الأول لحلقة فوزي وفوزية علي الساوند كلاود

الجزء الثاني لحلقة فوزي وفوزية علي الساوند كلاود

 

هبة السواح هي باحثة وكاتبة ولايف كوتش متخصصة في مجال العلاقات الأسرية وتحقيق الذات. هبة معروفة بدورتها التدريبية Living on Purpose كما تقدم ورشة عمل Soulmates الخاصة بالعلاقات الزوجية..

هذا المحتوي مقدم من مجموعة بيت جديد علي الفيس بوك.

 

انت جيت يا حبيبى
انت جيت يا حبيبى Photo Credit: Pixabay
shareEmail this to someonePin on PinterestShare on Google+Tweet about this on TwitterShare on Facebook

الأسطورة بتقول:

(1)
-عاوزة حاجة يا حبيبتي؟
– يعني هو أنا لازم أطلب، قال على رأى المثل: اللي مايشوفش م الغربال.

(2)
-عاوزة حاجة يا حبيبتي؟
-وهاعوز منك إيه يعني، هاتغير للولد والا هاتحمي البنت ولا هاتنفض الشقة؟

(3)
-عاوزة حاجة يا حبيبتي؟
– أنت يعنى بتستفزني وخلاص، مش شايفنى باغسل المواعين؟هاتعرف يعني تغسل المواعين؟ ده أنت بتشيل كبايتك بالعافية.
-تحبي أجيب لك واحدة تساعدك؟
-وهانجيب مصاريفها منين؟ خليني شايلة كل حاجة على دماغى.

(4)
-البنت مستواها وحش قوي في العربى، بافكر نجيب لها مدرس.
– تقصد يعني إن أنا مقصرة معاها، مدرس إيه للمفعوصة اللي في أولى ابتدائي لسه، أمال أما تدخل ثانوي هانعمل إيه؟ أدينى باذاكر لها وأمري لله.

(5)
– محمود،عاوزين نشترك للولاد في النادى.
-وماله يا حبيبتي.
-بس مين اللي هايودي ويجيب؟
-باقولك إيه ابعدي عني خالص، أنتِ عارفة مواعيد شغلي.
-طب خلاص سيب الموضوع ده عليَّ.

(6)
-باقولك إيه يا محمود الباص بتاع المدرسة السنة دي غالي أوي
-أيوه صحيح كنت لسه بافكر في بديل.
-ماتشيلش هم يا حبيبي، أنا هاوديهم وأجيبهم.

(7)
محمود أنا تعبانه أوي النهارده وماعملتش أكل.
-ألف سلامه يا حبيبتى ..أنا هاجيب أكل وأنا جاي.
-يا دهوتي تجيب إيه؟! لا يا أخويا أنت مجايبك صعبة أوي، وها ندفع لنا بتاع 200 ولا 300 في غدوة، البيت أولى بيهم، أنا هاخد مسكن وأحاول أقوم أعمل الأكل.

ثم…
في ليلة مقمرة عاد محمود من عمله وهو سعيد والابتسامة لا تغادر شفتيه وما إن أدار المفتاح في الباب حتى سمع صوت انفجار مدو وأشياء ترتطم بالأرض وأطباق طائرة تحلق في الجو هنا وهناك، أغلق باب الشقة مرة أخرى محاولا الهرب لكن الصوت قد لاحقه صارخا:
إنت جيت يا سي محمود، تعال شوف عيالك عاملين فيَّ إيه، ولا تيجى ليه؟ هو أنت أصلا حاسس بى ولا دريان باللى بيجرالي، أنا خلاص قرفت م العيشة دي،
كل حاجة فوقي: التنضيف، الكنس، المسح، المذاكرة، النادي. وياريته عاجب بعد كل ده، وياريتك حتى بتحاول تساعدني.. ده أنت بترجع تترمي قدام اللى ما يتسمى ده ولا معبرني حتى ….

أن أن أن آآآآآآن تش..لقد انفجرت الست زوجة محمود ..عليه العوض.

إيه رأيكوا فى الموقف ده ؟
من الواضح طبعا ان الموقف فيه حاجه غريبه بدليل انفجار هيروشيما اللى حصل فى الاخر تفتكروا مين اللى غلطان؟
1- محمود الغلبان
2-الجميلة زوجة محمود
3- إيه هى الطريقه الصح للتعامل مع الشريك؟

 

نداء إلى الست زوجة محمود:

“إحترسى، الدواء به سم قاتل.”
لما محمود يسألك عاوزة حاجة قولي له ع اللى انتىَ عاوزاه وخليه يساعدك، ولو مش بيعرف يتعلم عادي،أهم حاجه تكون رسالتك ..
واضحه
محددة
وتطلبى طلب واحد فى كل مره مش خمستلاف طلب مع بعض فمحمود يتشتت ويرتبك
ولو هو مش هيعرف سيبيه يوفر حد يساعدك طالما هو قادر على كده
وبلاش كلمة اللى ميشوفش من الغربال لأنه مش هيقدر يفهم اللى فى دماغك من غير ما تتكلمى عنه بلاش تلعبى معاه لعبة الألغاز وفك الطلاسم الحياة أبسط من كده بكتير
أطلبى ببساطه :
أيوه أنا محتاجه كذا ممكن تساعدنى فيه ؟
“الزواج يعني مشاركة مش يعني كل شريك في وادى”

 

فاطمة المهدي هي كاتب ومستشار أسرى.

هذا المحتوي مقدم من مجموعة بيت جديد علي الفيس بوك.

 

الأزواج السعداء
الأزواج السعداء
shareEmail this to someonePin on PinterestShare on Google+Tweet about this on TwitterShare on Facebook

الأزواج السعداء ليسوا فقط في أفلام الكارتون مثلا سندريلا و سنو وايت, والزواج السعيد ليس دربا من الخيال بل هو شئ ممكن ويتمتع به من يعرف أسراره. فكروا في العلاقة الزوجية مثل النبتة التي تحتاج رعاية بشكل يومي حتي تكبر وتزذهر وتستطيع التغلب علي أي مصاعب تواجهها… نحن أيضا يمكننا رعاية علاقتنا الزوجية عن طريق أشياء صغيره يفعلها الأزواج السعداء كل يوم!

  1. الحوار: الأزواج السعداء بالطبع يتحدثون سويا, فمن المهم أن يكون هناك حوارا ولو لمرة واحدة يوميا! ومن المهم أيضا أن يوضح كل طرف أي أمر يضايقه بدون لوم أو عتاب فالحوار لا يعني الشجار بصوت منخفض! بل الحوار هو أن تعبر عما بداخلك بأريحية وأن تشارك الطرف الآخر ماذا مر بك أثناء اليوم…. كما أن الحوار يعني الاستماع لنصفك الآخر ومعرفة ما مر به أثناء اليوم وماذا يضايقه من أمور بدون الشعور بالضيق أو التملل.
  2. الاهتمامات المشتركة: الأزواج السعداء لديهم بعض الأشياء التي يقومون بها و ويستمتعون بها سويا. ليس المطلوب منك سيدتي أن تشاهدي مباريات كرة القدم معه ولا أن تشاهد أنت أيها الزوج برامج الطهي المفضلة لزوجتك ولكن بالتأكيد هناك أمورا يهتم بها كلاكما فابحثا عنها واقضيا وقتا فيها فالأزواج السعداء بالتأكيد يستمتعون بقضاء وقتهما معا وهذه علامة علي صحة العلاقة بينهما. لا يمكن أن تكون علاقتنا الزوجية جيدة اذا لم نقض بعض أوقاتنا مع أزواجنا أو كنا نفضل عدم قضاء الوقت سويا من الأساس!
  3. العناق والقبلات:  الدخول الي الفراش سويا والتعانق لا يعني اقامة علاقة حميمية كاملة ولكن مجرد التعانق في الفراش وفي الحياة العادية يقوي العلاقة الزوجية. بعض الأزواج غير معتادون علي التعانق والقبلات الا في أثناء العلاقة الحميمية وهذا يخلق جفافا بينهما. الأزواج السعداء يحرصون علي العناق وتبادل القبلات صباحا قبل الخروج ومساء حين العودة من العمل وفي أي وقت اذا شعروا أنهم بحاجة الي هذا, فهذا يزيد الحب والمودة بينهما فلا عجب أنهما سعداء!
  4. التعبير عن الحب:  فلا أحد يعلم ما هو سر في الرجل الشرقي الذي يبخل علي زوجته بكلمة حانية أو حتي الشكر فضلا عن أن يقول لها بشكل يومي أنه يحبها! الأزواج السعداء يحرصون علي التعبير عن مشاعرهم بالكلام أيضا. فالمرأة تحتاج لأن تسمع كلمة “أحبك” كل يوم مرتين علي الأقل مثل الدواء عزيزي الرجل! كما أن الزوج يحب أن يسمع كلمات الحب والاطراء منك أيتها الزوجة… ثم إن الإنسان يحتاج دائما الي من يؤكد له أنه يحبه رغم كل شئ ورغم كل الأخطاء فمن يكون هذا الشخص إذا لم يكن نصفك الآخر! ثم نتعجب لماذا لسنا سعداء مع أزواجنا؟ لأننا حرمنا أنفسنا وحرمناهم من معرفة مشاعرنا تجاههم…. يقول نزار قباني:

قولي أحبك ..  كي تزيد وسامتي ..  فبغير حبك لا أكون جميلا .. قولي أحبك كي تصير أصابعي ., ذهب و تصبح جبهتي قنديلا .. الآن قوليها ولا تترددي بعض الهوى لا يقبل التأجيلا..

5. المزاح: ارحموا أنفسكم وأزواجكم من الجدية الدائمة, لا بأس من بعض المزاح بينكما, بعض الرجال لا يمزح الا مع أصحابه فتجده فاجأة يتحول مزاجه الي السعادة والقهقهة بمجرد أن يهاتفه أحد أصدقائه ثم يعود ليلبس الوجه “البلاستيك” كما يقول المصريون أثناء جلوسه مع أسرته في البيت, أما عن الزوجات فحدث ولا حرج بعض النساء لا تعرف الا التشكي والطلبات, ثم يتسألون لماذا حياتنا الزوجية أصبحت مملة؟ لماذا نعاني من الخرس الزوجي؟ الأزواج السعداء يمزحون ويضحكون سويا… الزواج ليس مكتوبا علي بابه للنكد فقط! الزواج متعة… جميل أن يكون هناك من ينتظرك دائما ويحب الجلوس معك ويستمع إليك ويشاركك أحلامك وهو أقرب إليك من نفسك فلا تستحي أن تخبره بشئ ولا تحاول أن تتظاهر أمامه بشئ… هذا هو الزواج السعيد… أضحكوا معا!

6. يغلقون هواتفهم: لا بد من وقت يغلق فيه الهاتف أو علي الأقل تحويله الي وضع “صامت” عند جلوسكما سويا! بعض الأزواج اتفقا علي عدم استخدام الهواتف أثناء إجازة نهاية الأسبوع الا مساء قبل النوم فلا شئ يستحق المتابعة ولا شئ سيفوتك! مطالعة الهاتف باستمرار من أجل الدردشات أو تصفح الانترنت سيضيع عليك ذكريات جميلة بينك وبينك نصفك الآخر! أجعلا وقتكما خاصا لكما فهكذا يفعل الأزواج السعداء!

7. احلاما سويا: شاركا بعضكما أحلامكما وأهدافكما المستقبلية وهذا لا يعني أن يكون لكما نفس الأهداف ولكن يعني أن تكونوا متفقين سويا وعلي دراية بأحلام الطرف الآخر. ولا يعني هذا أيضا أن الأزواج السعداء هما شخصيات متطابقة في الزؤا والتفكير هما شخصان مختلفان لكنها يقبلان اختلافهما ويتفهمان هذا….

ومن أفضل ما قرأت عن الزواج هو أن نصفك الآخر هو الشخص الذي سيظل يذكرك كيف كنت في شبابك أكثر مما تذكر نفسك!

قد يحبط البعض ويشعر بعدم قابلة تطبيق هذه الأشياء لأن الشريك الآخر لن يتفهم هذا ولن يقوم بأي مجهود ولكن الحقيقة هي أنك عندما تتغير مع الوقت ستغير من حولك فالحب يصنع الكثير!

 

فريق عمل مج لاتيه

 

المصدر:

مبني علي مقالة من موقع لايف هاك

 

مواضيع أخري أخترناها لك:

نصائح للأزواج مقال ساخر جدا !

 

photo credit: Bigstock

 

 

 

 

 

 

 

 

 

 

 

أرملة الي الأبد!
shareEmail this to someonePin on PinterestShare on Google+Tweet about this on TwitterShare on Facebook

.

إيه رأيكم في الأرملة إللي تتجوز بعد موت جوزها؟ هدّيكوا اختيارات:

1- بيّاعة

2- بيّاعة جدًّا

3- بيّاعة آخر 3 حاجات

وده بردو كان رأي طنط هدى وطنط أماني وطنط منال وطنط وطنط.. طب أقوُلّكوا حاجة؟ ما تيجو نسمع القصة من الأول…

سارة ومحمد اتجوّزا بعض عن حب..علاقتهم كانت رائعة.. خلّفوا بنت رقيقة وجميلة سمّوها ندى.. مرّوا بظروف صعبة في الأول من ضيق الحال، لكن عَدّوها مع بعض زي شباب وبنات كتير.. سارة وقفت جنب محمد كتير وساندته.. ومحمد كان دايمًا مقدّر مراتُه وبيعاملها أحسن معاملة.. كل صحابهم ومعارفهم كانوا بيحسدوهم على تفهُّمهُم لبعض وعلى حياتهم الحلوة وحُبّهم الراقي.. إنتو عارفين إن الجوازات الناجحة السعيدة بقت عُملة نادرة اليومين دول.. وبالفعل في خلال سنتين من الجواز كانت عين الحسود قضت عليهم.. هنقول إيه بس!.. قضاء وقدر، ولقينا محمد يا عيني طَبّ ميّت بدون مقدمات!

سارة طبعًا حزنت على محمد جدًّا.. حُبّها الأول وأبو بنتها وصاحبها وكل حاجة في حياتها.. كانت بتقول عنُّه كلام يقطّع القلب.. وفضلت سنة على الحال ده.. ومرّت الأيام، وبدأ ييجي لسارة عرسان، وبدأت تفكّر إن الحياة لازم تكمّل، والحي أبقى من الميّت، وهي لسّه صغيّرة، إلخ… وبعد تردُّد، اتخطبت سارة لشاب محترم، اسمه عمر، واتجوّزته.. وعينك ما تشوف إلّا النور! انتشر الخبر على صفحات الجرائد (العائلية)، والقنوات الفضائية (النسائية).. وعلّق على الخبر مراسلين من حركة “عواجيز الفرح”، وحزب “الستات الحِشريّة”، ورابطة “العروسة للعريس والجري للمتاعيس” .. ناس تشجُب، وناس تستنكر، وناس تهدّد وتتوعّد.. كُلُّه هاص في الهيصة!

وإليكم بعض الفقرات من خلف الكواليس:

  • طنط هدى: “شوفوا ياختي البت! يعني مش كانت قعدت ربِّت بنتها أحسن بدل المرمطة من راجل لراجل!” (كإن سارة حطيت بنتها في الملجأ مثلًا، وعملت اشتراك في برنامج “راجل جديد كل ست شهور”)..

 

  • طنط أماني: أومّال كانت يعني بتعيّط، ومتشحتفة أوي على جوزها لمّا مات ليه؟! أهي باعتُه مع أول واحد خبّط على بابها.. طلع كله تمثيل!”.

 

  • طنط منال: “يادي النصيبة! تتجوز؟!! بعد ما خدت فلوس محمد وتعبُه وشقاه، هتتجوز؟! يا ضنايا يا محمد يابني.. خدتك لحم ورمتك عضم!!“.

 

 

  • حتى طنط ناظلي: “أنا مش فاهمة بنات اليومين دول! ده حب مزيّف ده إللي يخلّيها تتجوز واحد بعد سنة من موت جوزها! أكيد مكانتش بتحبه! عندك طنط كوثر بنت خالت مامي.. 33 سنة، وجوزها ميّت، عمرها ما فكّرت تتجوز! جيل معندهوش وفاء جاتهُم الأرف! Uffff“.

 

  • طنط فاتن: “أنا لازم أوعّي أُمّ محمد تاخد ندى من أُمّها.. هتدخّل راجل غريب على بنتها! ستات إيه دي الأنانية إللي معندهاش ريحة الدم!”

 

وغيرها من التعليقات والتحليلات من باقي الطنطات ومن أولادهم وأحفادهم وأحفاد أحفادهم.. لم تسلم سارة من لسان العيلة، وعيلة العيلة، والمجتمع، والناس.. تفتكروا ليه الهجمة الشرسة دي بتحصل لأي واحدة تتجوز بعدما جوزها يموت؟ وهل الفكر والتقاليد دي جديدة على مجتمعنا، ولّا طول عمر المجتمع بينتظر من الأرملة إنها بعدما جوزها يموت، ماتتجوزش، وتتفرّغ لتربية العيال، ولو كبروا ولادها، تتفرّغ برضه لأي طلبات يطلبوها، ولّا أي زيارة يزوروها لها حتى لو مرة في الأسبوع.. ولو مسافرين برّه البلد برضه، تتفرّغ إن شاء الله لعمل الكروشيه والتريكوه، وتلفّ محشي كُرنب طول اليوم!

 

يعني مثلًا؛ أنا أعرف إن في زمن النبي – عليه الصلاة والسلام – مكنتش العادات والتقاليد كده.. عندكم مثلًا؛ (أسماء بنت عميس) اتجوزت (جعفر ابن أبي طالب)، وهاجرت معاه الحبشة، وخلّفت منُّه تلات ولاد.. وبعدما رجعوا من الحبشة بسنة، استُشهد جعفر في غزوة مؤتة.. وفضلت أسماء بدون زواج لمدّة سنة، بترعى ولادها، لحد ما النبي – صلّى الله عليه وسلّم – (شخصيًّا) جوّزها لأبي بكر الصديق! ومش بس كده.. خلّفت أسماء من أبي بكر ولد، وبعدها مرض الصديق، ومات، واتجوّزت بعدُه علي ابن أبي طالب! وكل ده حصل عادي جدًّا.. ولا حد اتهمها إنه معندهاش وفاء، ولا إنها مكنتش بتحب جوزها، ولا إنها مهملة في ولادها، ولا إنها أنانية أو (أستغفر الله) بتاعت رجّالة، ولا حاجة من دي..

 

إمتى هنتفهّم إن الأرملة دي إنسان، لحم ودم ومشاعر.. فيه ستات تقدر تعيش بدون راجل بعدما جوزها يموت، وفيه ستات بتحتاج سند الراجل دائمًا.. بتحتاج حب وعطف وحنان وونس.. بتتعب من الوحدة.. وده لا يعيبها! والأحاسيس دي ملهاش علاقة بسن الأرملة، ولا ظروفها الاجتماعية أو المادية.. يعني مانقدرش نقول: “دي بقت عضمة تقيلة، ليه تتجوز؟!”.. ولا: “دي على قلبها أد كده، ومش محتاجة راجل”، ولا: “دي ظروفها كويسة ومتعلّمة ومثقفة” فتعيش وحيدة.. ممكن يجتمع كل ده في ست، لكن برضه يكون عندها احتياج عاطفي وتحتاج تتجوز.. محدش يقدر يحدد إذا الأرملة محتاجة تتجوز تاني ولّا لأه، إلّا هي نفسها.. هي أدرى واحدة باحتياجاتها.

 

لو المجتمع هيخترع عادات وتقاليد من دماغه، ومش هيتفهّم احتياجات البشر الطبيعية، وإللي هي موافقة للفطرة، ومافيهاش مخالفة لدين ولا أخلاق، يبقى هيحصل خللّ، وانفلات، وتعاسة، وأحقاد، وحسد، وكل الكلاكيع الاجتماعية إللي بنشوفها! لازم المجتمع (إللي هو إحنا) نقدّر أحاسيس الناس بظروفها المختلفة، ونساعدهم، ونحتويهم، بدل ما ننتقضهم، ونتكلّم عليهم من ورا ضهرهم!

 

وفي نفس الوقت لازم الأرملة تراعي حاجات كتير وهي بتختار زوجها؛ أخلاقياته، دينه، علاقته بأولادها، ظروفه الاجتماعية، تأثيره على تربية ولادها، وعلى علاقتهم بأهل أبوهم.. وفي الاخر يا بنتي، اسمعي نصيحتي.. “كلام الناس لا بيقدّم ولا يأخّر.. كلام الناس ملامة وحيرة مش أكتر”.. والراجل يا ماما، مايعيبوش إلّا جيبه، ويا بخت من هنّى سعيد بسعيدة.


هبة السوّاح

مديرة مؤسسة فاميليا للعلاقات الأسرية

مدرب معتمد من مؤسسة مارس فينوس ومؤسسة التهذيب الإيجابي بالولايات المتحدة الامريكية

 

 

مصدر الصورة: °¨ĶŁ¥_SĦмòΘó5™¨°

 

مواضيع مختارة:

8 نصائح لزواج سعيد

لم تتزوج بعد

ما لا تعرفينه عن زوجك

فارس أحلامي و حبيب قلبي

12 هدية لزوجك ب100 جنية أو أقل!

الخلاف و الاختلاف

الحياة الزوجية بين العند و المرونة ليه لازم اتغير

اتخانقوا بالعقل

أنا بفكر أسيب البيت

 

فارس أحلامي و حبيب قلبي أختيار الزوج
shareEmail this to someonePin on PinterestShare on Google+Tweet about this on TwitterShare on Facebook

.

فارس الاحلام علي حصانه الأبيض, لقد ترددت هذه العبارة علي مسمع كل فتاة, إلي أن ترسخت في ذهنها و باتت تنتظر هذا الفارس , و الحب الوردي الذي لا طالما رأته و سمعت عنه في الأفلام الرومانسية !

…ولكن دعينا نصطدم بأرض الواقع ,عذرا فليس هناك هذا الفارس الذي علي حصانه الأبيض و لا هذا الحب الوردي , هذه ليست دعوي الي التشاؤم و اليأس , و لكن هذه دعوي مني لاستخدام العلوم النفسية الحديثة لاختيار شريك الحياة , ولكن بعد ان يجتاز هذا الفارس هذه المعايير , التي سوف أتحدث عنها باستفاضة, فلتطلقي لخيالك العنان لهذا الحب الوردي , الذي سوف يكون أجمل من أي فيلم رومانسي شاهدتيه, اسمع الآن من يتهمني بالمنطقية الزائدة عن الحد و لكن يؤكد علي هذه المنطقية ارتفاع نسب الطلاق او التعاسة الزوجية لتوهمنا بأن المعيار الأوحد لاختيار شريك الحياة هو الحب و تآلف القلوب, و لكن الحقيقة هي ليس تآلف القلوب هو المعيار ولكن تألف القيم و أنسجامها !

……..تألف القيم !! ماهو تألف القيم ؟

هو اختبار بسيط تجلس فيه الفتاة في حالة نفسية هادئة وورقة و قلم و تبدأ الفتاة في سؤال نفسها, ماذا تعني لي الحياة و تكتب , و تكرر هذا السؤال علي نفسها لأكثر من عشرات المرات , ثم بعد أن تكون حصلت علي عصارة أفكارها , تبدأ في ترتيب هذه المعاني لها, إلي أن تنتهي من ذلك , و بهذا تكون حصلت الفتاة علي “وثيقة قيمها” التي بها تستطيع أن تستخدمها كمقياس لاختيار شريك حياتها و التوفيق بين قيمها و قيم شريك الحياة و تستطيع أن تختار شريك و رفيق العمر بأطمئنان و هدوء.

إذن علي كل فتاة في البداية أن تعرف قيمها و ترتيب هذة القيم و هل ستتوافق هذه القيم مع شريك الحياة أم ستصطدم هذه القيم التي بالتاكيد ستؤدي الي النهايه الحتمية بالطلاق أو التعاسة الزوجية.

و هنا السؤال يطرح السؤال نفسه هل هناك داعي لهذه الغلبة ؟ أقول نعم , فكما نطلق عليه شريك الحياة , إذن هي شركة و لابد أن تبني علي كل الأسس و المعايير الصحيحة و ليس معيار القلب هو المعيار الأوحد.

وفي النهاية اطرح المسالة الأخيرة و التي هي ,كما قد تذهب الفتاة و شريك الحياة لطبيب للتأكد من الصحة الجنسية , فالأولي أن أبدأ باختبار أولويات القيم و انسجامها , ثم الصحة الجنسية و الجسدية …الخ.

د.رشا عطية
إستشاري العلاقات الاسرية و تطوير الذات

 

الخلاف والإختلاف في الزواج
الخلاف والإختلاف في الزواج Photo credit: Bigstock.com
shareEmail this to someonePin on PinterestShare on Google+Tweet about this on TwitterShare on Facebook

الخلاف و الإختلاف للأسف لأننا كعرب و كشعب إتحطينا بسبب ظروف لايد لنا فيها بتاتا في قالب إسمه “الآخر” (The Other) .إنطبع في أذهاننا ان كل ما هو آخر فهو مختلف فهو إذا معي على خلاف. و عيشنا في أوائل الألفية مصطلحات زي صراع الحضارات (The Clash of Civilizations) و هم بيكرهونا ليه (Why do they hate us?!). و كنا نحن جيل بيحاول يوضح إننا فقط نجهل بعضنا!! إحنا محتاجين نعرف بعض عشان نفهم بعض! إنعكس الفكر ده علينا إحنا و اصبحنا ننظر إلى إختلافاتنا (و نحن أبناء البلد الواحد و النشأاة الواحدة ) أنها عقبة في التعامل و في التواصل. و سبحان الله إستطاعت الفكرة المسيطرة تدخل حتى إلي أصغر انواع الإختلاف و أكثرها فتكا: إختلاف الراجل عن الست!!!

كتير من الزوجات الاتي يحضرن ورش عمل عن الزواج بيكون دافعهم الأول أو الاقوى لحضور مثل هذه الكورسات: انا و زوجي مختلفين! مختلفين دي معناها عادة إنهم بيشوفوا و بيمارسوا حياتهم بطريقتين مختلفتين فمش عارفين يتلاقوا و بالتالي هم دايما على خلاف! السؤال هنا: هو مين ماعندوش خلاف في بيته؟ مين دول الإتنين المتجوزين إللي مش بيختلفوا؟ مين دول إللي زي بعض بالظبط في كل صغيرة و كبيرة؟؟ الإجابة: مفيش! من علاقتي بالمتدربات و المشتركات في ورشة عمل الزواج حتى الآن تعلمت إننا عندا مشكلة اصلا في تقبل الخلاف و التعامل مع الإختلاف! و الموضوع في رأيي زي ماله بعد تاريخي فهو له بعدين ثقافي و تربوي. المهم إننا كلنا مقرين إن كل الزيجات, بمعنى كل الزيجات, لا تخلو من إختلافات شخصية عند الزوج و الزوجة عوضا عن خلافات دائمة حول روئيتهم و تفهمهم و تنفيذهم و طرق تعاماهم مع جميع الأمور. الخبر الظريف هو أن الأزواج إللي نجحوا في قيادة مركب الزواج لعمر طويل كانوا هم كمان مختلفين و بيختلفوا زيهم بالظبط زي من لم يوفقوا في حياتهم الزوجية و دمروها!! لكن المفتاح هنا او السؤال هنا هو: هم كانوا بيختلفوا إزاي؟؟؟ كيفية الإختلاف ياجماعة هي السر.

في ازواج بتختلف عشان تفتح باب للنقاش و تتحاور و تتعلم من بعض. في ناس بتختلف عشان توصل لحل وسط و تتواصل و بكده يعلوا التفاهم بينهم. لكن برضه للأسف في ناس بتختلف لإثبات غرض ما في نفسها: زي مثلا إثبات الذات أو إثبات صحة فكرها أو لمجرد إثبات القوة, و ده للأسف بيكون من الناس إللي فاكرة خطئا إن الجواز ده حلبة صراع: لازم واحد بس هو إللي ينتصر فيها. هؤلاء اقول لهم: انت لو داخل الجواز عشان تحدد موازين القوى فين و عشان تحاول تثبت نفسك و تنتصر على شريكك, انا آسفة: لقد حكمت على جوازتك بإنها لازم تفشل و تنهار! الشراكة الحقيقية في رائيي يجب ان تتسم بالمرونة و عدم الخوف من التغيير! مين قال إننا عشان مختلفين إذا لازم واحد فينا يغير التاني؟؟ هو أنا إزاي أصلا ينفع أغير شخص بتجربة حياة و تربية عمرها 25 سنة او اكثر؟؟ مستحيل!!! إذا لو انا عندي مرونة و تقبل للإختلاف مع إدراكي إن الإختلاف ده يثري الحياة و يثري التجارب و ينتج عنده تعدد في وجهات النظر يبقى أنا بالعكس:حاحب الإختلاف! للأسف إحنا النهاردة أصبحنا بنركز اكتر على مدى إختلافنا و حنحل المشكلة دي إزاي أكتر ما نركز على القبول والإحترام. لكن في الحقيقة الجواز بيكون أقوى و عنده فرصة اكبر للنجاح لو أن الزوجين ركزا على مايعجبها و ما يجمعهما و ما يقدرانه في بعضهما البعض.

ايوة الأزواج السعداء بيختلفوا و يتجادلوا و يتعاركوا حتى حول أسلوب تربية الأطفال لكن الفيصل عندهم هو إنهم مش بيسمحوا لا لخلافهم ده ولا لإختلافاتهم دي إنها تكون عقبة في نجاح حياتهم الزوجية. الزوجين الأذكياء هم إللي بيعتبروا نفسهم منظومة واحدة مش بيسيبوا مجال للأنانية, بيعينوا و يشجعوا بعض وقت المحن, بيقدروا و يحبوا بعض و قت الرخاء, عندهم رؤية مشتركة و خطة واحدة و هدف واحد للمستقبل و نظرتهم البعيدة دي هي في الحقيقة المحرك و الدينامو إللي بيساعدهم على الإستمرار معا و على التغلب على الخلاف والإختلاف.

سارة محمود سليمان

 ميتا كوتش و مدربة علاقات زوجية معتمدة

 

أفضل هدية هدايا للزوج للرجل
أفضل هداية للزوج
shareEmail this to someonePin on PinterestShare on Google+Tweet about this on TwitterShare on Facebook

الهدية عربون المحبة… وبين الزوجين بتعمل تجديد لمشاعر الحب و الدفئ بينهم…مهم قوي إنك كل فترة تجيبي لجوزك هدية بسيطة تعرفه إنك مهتمة بيه و انه علي بالك….و عشان تعملي ده بدون ما تحتاري إيه أفضل هدية للزوج فريق عمل مج لاتيه جمع لكي أفكار هدايا تتناسب مع ميزانيات مختلفة وشخصيات الرجالة المتنوعة. كمان ممكن تشتري أغلب الحاجات دي أون لاين عشان متتعبيش وعشان لو معندكيش وقت كافي أنك تنزلي وتلفي علي الهدية المناسبة لزوجك من خلال موقع سوق دوت كوم أو مواقع الانترنت الأخري المعروفة.

 

مبدئيا عشان تعرفي تختاري هدية لزوجك لازم تحددي شخصيته الأول عشان تقدري تختاري حاجة تتناسب مع طبيعته لأنها ساعتها هتبقي هدية فعلا عاجباه وهيستخدمها وكمان هتحسسه أنك فاهماه كويس وفهمه شخصيته…يعني لو قسمنا الشخصيات لأربع أنواع:

 

لو جوزك من النوع المحبوب الاجتماعي والي بيحب أصحابه قوي وبيحب الخروج كتير مثلا (الشخصية الصفراء) يبقي أفضل هدية ليه هتبقي حاجة  زي:

  • خروجة مفاجاءة لمكان جديد زي دريم بارك مثلا.
  • تي شيرت لفريق الكورة المفضل بتاعه.
  • كيس كبير جدا من مجموعة من حلوياته المفضلة.
  • سلفي ستيك, عصاية السلفي الي بيتركب فيها الموبيل عشان ياخد سلفي مع أصحابه ومعاك طبعا!
  • هدية من هدايا المقالب أو أقنعة الرعب الي ممكن تخضيه بيها كتجربة مبدئية!
  • نظارة شمس.
  • وممكن ببساطة جدا جدا تكتبي بخط جميل كدة أو تطبعيها ورقة فيها الحاجات الي عملهالك وخلاكي سعيدة بيها, ازاي بيضحك والمواقف الحلوة الي بينكوا…. معلش معلش افتكري أكيد فيه : )))))

 

ولو جوزك من النوع الأزرق النظامي الي بيحب النظام وبيحب الروتين جدا وتقليدي نوعا ما فممكن تجيبيله هدية زي:

  • ميدالية مفاتيح لنوع عربيته لأن كل عربية خصوصا لو من الماركات الكبيرة في ليها ميداليات بتتباع مخصوص عليها العلامة بتاعة العربية.
  • كافر للموبيل بتاعه.
  • شاحن عربية للموبيل بتاعه.
  • قلم للموبيلات التاتش, وده عوبارة عن قلم ممكن يستخدمه علي الموبيل لو موبيله من النوع التاتش.
  • أي حاجة من حاجات التنظيم الي ممكن ينظم بيها حاجته زي الحاجات الي موجوده في ايكيا.
  • ممكن برضو أي أدوات هو بيتسخدمها تجيبيله الأفضل منها أو الأحدث خصوصا لو بتاعته قديمة.
  • شنطة ضهر أو كروس رجالي طبعا أو ممكن محفظة.
  • ساعة يد.
  • هتعصري علي نفسك سوق الخضار مش مشكلة دي هدية ومجاملة برضو وتكتبيله ازاي هو بيخالي حياتك أفضل وازاي حياتك هتبقي ناقصه من غيره, أيوه ناقصة… ايه؟ ناقصه نكد ناقصه خناق هتبقي ناقصة كتير ناقصه خالص : )))) (أوعي تكتبي اخر جملة دي بدل ما يقفلنا الموقع).

 

أما بقي يا سيتي لو جوزك الشخصية الحمرا الشخصية القوية المسيطرة سي السيد النسخة العصرية -مش عيب ميجراش حاجة- ممكن تجيبيله جاجة زي:

  • مج مكتوب عليه مثلا أفضل زوج في الدنيا أو تي شيرت مكتوب عليها عبارة كدة فخيمه تحسسه أنه زوج مسيطر وأوعي وشك -معلش يا فوزية عاديها المرة دي كمان – والحاجات دي متوفرة في المولات الكبيرة في الbooths (أكشاك خشب) الي موجودة في الممرات وممكن تلاقيها في سيتي ستارز (لسكان القاهرة) وأكيد متوفرة علي الانترنت والفيس بوك.
  • قلم مكتوب عليه اسمه.
  • حاجة من الحاجات التكنولوجيا الحديثة يعني موبيل جديد مثلا لو ده في مقدورك أو تابلت أو ساعة.
  • أي حاجة هتجيبيهاله تكون بتدل هو أد ايه زووووج فظييييييييييييييييييييييع وتحفة -أيوه أنا بتكلم عن زوجك متبصيش كدة- يعني ممكن تكتبيله برضو ازاي هو بيساعدك (يعني تخيلي يعني) أو ازاي انك محتاجاه في حياتك وانه مهم بالنسبة ليكي… اعملك ايه بقي ما انتي الي عاوزة تجيبي هدية محدش ضربك علي ايديك يعني يبقي اكتبي وانتي ساكتة : )))

 

أخير -أحمدك يا رب- وده أخر نوع من الأزواج لأنه تقريبا منقرض الزوج الهادي بتاع المشاعر والعاطفة والزوج دع لونه أخضر ده بقي ممكن تجيبيله:

  • ورد … يا سيدي!
  • تخرجي معاه خروجه عاطفية (بلاش العيال معاك يا فوزية).
  • روب للبيت.
  • مخدة علي شكل قلب يحطها في عربيته.
  • ميدالية مفاتيح تعبر عن حبك ليه….ايه؟ مدام متجوزاه يبقي بتحبيه : )))
  • ممكن تكتبيه برضو جواب حب يعبر عن اد ايه هو انسان حنين وطيب معاك…

 

بس المهم وانتي بتشتري الحاجات انك تحتفظي بالايصال الرجالة صاعبين الحقيقة وممكن متعجبهوش الهدية أو يحب يستبدلها بلون أو شكل مختلف مش عيب علي فكرة خاليكي عملية وبلاش الحساسية بتاعة ازاي يرجع هديتي وكدة هيفرح أكتر علي فكرة…. مع تمنياتنا لك بهدية سعيدة….

فريق عمل مج لاتيه

 

photo credit: Bigstock
المصدر: نادي الزوجات السعيدات

 

مواضيع أخري اخترناها لك:

6 أخطاء تدركها الزوجة بعد فوات الآوان