share
0
56
056استخدام الناني المقيمة بقى من سمات العصر والموضوع ده زي ماهوا له فوايد , في نفس الوقت له مساوئ. من ضمن المساوئ تعلق الطفل بيها أكتر من الأم وتلاقي الأم مبسوطة و بتتمظر إنه الولد متعلق بالناني على أساس إنها جابت ناني كويسة ومحصلتش .أيضًا تأخر اعتماد الطفل على نفسه لإنه بيعتمد على إن على طول في حد بيلم وينضف وراه. ده غير قصص البنسمعها كل يوم زي إن الناني اكلت أكل الولاد أو حتى ضربتهم.
بالطبع في أمهات مضطرة للإعتماد على الناني و ده لاسباب كتيرة ممكن يكون لطبيعة عمل الأم أو لكبر المنزل أو لغيره من الاسباب لو اضطريتي تجيبي ناني اليكي بعض النصائح المهمة:
-
حاولي تخلي الناني لشغل البيت التقيل الي إنتي ولا الولاد حتقدروا تعملوه
-
لو احتجتي الناني مع الاطفال همشي وظيفتها في إنها تناولك تشيل منك مش تعمل كل حاجة بدالك.
-
سيبي كام وظيفة ليكي لانك أسوة الولاد و سيبي برده كام وظيفة لكل طفل على حسب سنه زي مثلا يروق هدومه أو حجرته
-
لازم يبقى في وقت للتجمع مع بعض من غير مساعدة الناني زي مثلا عمل عشا و الاطفال تساعد في تجهيز السفرة وتبقى “فن تايم” كنوع إنك تحببيهم في شغل البيت.
-
حاولي تخلي معظم التعامل المباشر مع الاطفال يكون معاكي إنتي أو باباهم زي مثلا إنتي الي تحمي وإنتي الي تنزلهم البص أو حتى إنتي الي تمرجحيهم في النادي وإنتي الي طربتلهم حذاءهم مش هي لإنه الحاجات دي حتى لو كانت صغيرة بتتحفر في ذاكرة الطفل
-
فهمي الولاد دايما إنهم لازم يحترموها ويعملوها كويس لأنها بشر ولان الرسول صلى الله عليه وسلم أمر بكده
-
استفيدي من الناني انك تقضي وقت أطول مع أولادك مش العكس
-
لازم إحساس الأمن عند الطفل يكون مرتبط بيكي إنتي مش بيها هي.
-
لو سبتي ولادك الكبار معاها لاي ظرف قبل ما توصيها عليهم واصيهم هما عليها الاول لإنه إنتي نفسك أوقات كتير مش بتستحميلي ولادك فـمتتوقعيش من حد غريب يستحملهم
-
في غلطات مينفعش تغفر للناني ولوحتى هي بالنسبالك كويسة وشايلة البيت إنتي محتاجة تاخدي قرار إنك تمشيها على طول
-
اخيرا و ليس اخرا اوعي تنهاري لما الناني تمشي أو تاخد أجازة لإنه بيقدح في دورك إنتي كأم أمام أولادك افتكري إن الناني جاية تساعد بس مش جاية تاخد دور” الأم البديلة “!
رنا رشيد
