Tags Posts tagged with "رياضة"

رياضة

حياة صحية
.حياة صحية Photo credit: flickr.com/Withwind
shareEmail this to someonePin on PinterestShare on Google+Tweet about this on TwitterShare on Facebook

 

يعتبر الجانب الصحى من أهم جوانب الحياة, ولذلك فإليكى خطوات سهلة وبسيطة لتنظمى حياتك ولتعيشي حياة صحية أكثر بمنتهى المرونة والسهولة بإذن الله.

1)خطة الوجبات:-

من الطبيعى ألا تحسنى الإختيارات إذا تركتى نفسك لخيارات  آخر وقت. وربما تلجأين إلى الوجبات السريعة الغير صحية , أو حتى اختيارات منزلية ولكنها بعيدة عن التخطيط الصحى للغذاء ,, لذلك فعليكى وضع خطة للوجبات شهرية وأسبوعية ,,وعلى اساسها يمكنك تحديد طلباتك واحتياجاتك المنزلية من السوبر ماركت او من محلات الخضروات والفواكه الطازجة.

وهذا سيجعلك  مضطرة على إستخدام المكونات التى احضرتيها للمنزل وان تستخدميها فى إختياراتك الصحية والمضمونة أيضا.

 

2)اجعلى الرياضة سهلة فى المنزل:-

لو كان لديك اشتراك فى نادى صحى رائع , فإن هذا تخطيط مميز ,, ولكن عادة نحن كأمهات يصبح الخروج والذهاب إلى النادى الصحى أمر شاق  وقد يكون غاية فى الصعوبة , ولذلك فيمكنك استبدال ذلك بشراء اسطوانات  تحتوى على مجموعة من التمارين الرياضية المناسبة لكى أو متابعة الفيديوهات الموجودة على اليوتيوب أو المواقع المختلفة.

تابعى صفحة أسلوب حياة , وستجدين مجموعة مميزة من التمارين الرياضية.

 

3)احصلى على الدعم:-

المحافظة على أسلوب حياة صحية يمكن أن يشبه معركة قوية مع النفس ,,لانك أنتى الوحيدة التى يمكنها أن تقرر ماذا يمكنها ان تفعل.

حتى مشاركة الأهل والأصدقاء لرغبتك فى ممارسة أسلوب حياة صحى ربما لا يكون ذا نفع كبير , لأنك ستضطرين لأن تخضع لقوانين العادات والتقاليد بعدم رفض وجباتهم أو تذوق أطعمتهم ,, ولذلك فعليكى اختيار بعض الأشخاص المهتمين بممارسة حياة صحية , ولا تترددى فى طلب الدعم منهم , يمكن ان تكون صديقة أو جارة أو حتى أخصائية تغذية أو كوتش صحى .

واحرصى على توفير البدائل الصحية دائما لحياتك الصحية ,, فيمكن اختيار مطاعم تقدم وجبات صحية , ويمكن اختيار الخروج إلى المنتزهات بدلا من الخروج إلى الأسواق أو المولات ,,,,وهكذا.

 

4)اشربى الكثير من الماء:-

الكثير والكثير من الماء .وكلنا فى البداية نعانى من عدم التزامنا بهذه النصيحة السهلة جدا ,, وكأننا نعيش فى صحراء.

ولكن اعلمى جيدا , تناول طعام صحى مهم , وممارسة الرياضة مهمة ,, ولكن شرب الكثير من الماء هو فى غاية الأهمية.

كل جهاز فى جسمك , وكل عضو , وكل نسيج ,,بل انها كل خلية فى جسمك تحتاج إلى الماء لكى تقوم بوظائفها على أكمل وجه ,, ولذك تأكدى انك تحصلى على احتياجاتك الأساسية من الترطيب ,, واحمى جسمك من الجفاف.

ويمكنك شراء كوب مميز أو زجاجة مميزة واملأيها بالماء وتأكدى انك قمتى بشرب الماء الكافى لكى يوميا , ما بين 6 إلى 8 أكواب من الماء يوميا  أو ربما أكثر.

 

5)لاتذهبى لأى مكان بدون وجبة خفيفة فى حقيبتك:-

يمكن ان تكونى حريصة جدا على الالتزام بخطتك الغذائية ,, ولكن ربما عندما تكونين فى أى مكان تشعرين فجأة بالجوع القارص ,, الذى ربما يرغمك على تغيير خطتك أو إفساد جدولك الغذائى.

لذلك كونى حريصة على أن تحملى فى حقيبتك بدائل صحية كوجبات خفيفة لوقت الأزمات ,مثل :-

المكسرات , أوقطع التفاح , أو الفواكه المجففة , أو يمكنك شراء سناك قليل السعرات من ركن الوجبات الصحية بالسوبر ماركت أو الصيدليات الكبيرة.

 

بقلم : د.سالى يوسف

طبيبة ومدربة فى مجال الصحة

Health & wellness coach

 

ممارسة الرياضة بالمنزل
ممارسة الرياضة بالمنزل
shareEmail this to someonePin on PinterestShare on Google+Tweet about this on TwitterShare on Facebook

ممارسة الرياضة أمر مهم في حياتي، لذلك منذ فترة وأنا أبحث عن مكان قريب من المنزل بسعر معقول وجودة معقولة أشترك فيه لممارسة الرياضة حتى يساعدني على الالتزام، ولكني لم أعثر على المكان الذي يجمع بين هذه المواصفات، كما أن ظروفي كأم لم تتيح لي الخروج بسهولة. لذلك قررت ممارسة الرياضة بالمنزل ولكن لدي مشكلتان مع ذلك: أولا الملل، وثانيا عدم الاستمرارية، فقد أنشغل أو أكون مرهقة أو تكون حالتي المزاجية غير مواتية للعب. لم أيأس رغم فترات الإحباط والانقطاع عن الرياضة التي مررت بها، ظللت أبحث عن وسائل تحل لي هاتين المشكلتين، وأنا هنا أشارككم بعض ما توصلت إليه وأعانني على الاستمتاع بممارسة الرياضة بالمنزل والمواظبة عليها إلى حد كبير.

  1. قمت بالبحث على يوتيوب عن فيديوهات متعددة للتمرينات الرياضية، وبدأت أشغل الفيديو وأقلد الحركات، أكرر نفس الفيديو عدة أيام حتى أتقن الحركات ثم أنتقل إلى آخر وأكرره حتى أتقنه، ثم أتنقل بينها بحرية بعد أن أتقنتها دفعا للملل. الشاهد: مارسي ما تستمتعين به، حينئذ تصبح الأخطاء فرصا للتعلم والصعوبات تحديات. لقد اكتشفت أن الاستمتاع والترفق بنفسي ساعداني كثيرا على الاستمرارية والتطلع إلى الوقت الذي ألعب فيه الرياضة ولكن احذري فبعض الفيديوهات علي اليوتيوب قد تحتوي علي الموسيقي أو عورات يحرم الاطلاع عليها فاحرصي علي تجنب مثل هذه الفيديوهات وانتقاء المناسب لك.
  2. حملت على هاتفي بعض التطبيقات الرياضية التي يقدم بعضها تمارين قد لا تتجاوز مدتها أحيانًا السبع دقائق، مع توضيح للتمارين بالصور والفيديو. ويرجع قصر المدة إلى أن التمارين مكثفة، وفعلًا عندما مارست ذات مرة تمارين مع أحد هذه التطبيقات لمدة سبع دقائق فقط شعرت أنني لعبت لمدة أطول من ذلك بكثير! يمكنكِ تجربة تطبيق لتمرين سبع دقائق والذي لا يحتاج الي أي أجهزة أو معدات رياضية .
  3. بدأت أمرن نفسي على التوقف عن الشعور بالذنب عندما أنقطع يوما أو أكثر عن الرياضة، لأن الشعور بالذنب لا يدفعني إلا إلى الوراء، فقط أذكر نفسي أن الرياصة مهمة وأنني أستمتع بها فهي تستحق أن أقتطع لها وقتا من يومي.
  4. ابحثي عن معتقداتك وطريقة تفكيرك التي تعوقك عن ممارسة الرياضة: هل هي معتقدات سلبية عن نفسك كإتهام نفسك بالكسل وعدم الالتزام؟ هل تنزعجين مما يصاحب أداء التمارين من عرق وعدم راحة ونهجان؟ هل تقارنين نفسك بالآخرين؟ هل تكرهين شكل جسمك؟ (نصيحة على الهامش: تقبلي جسمك وشكلك ولا تجعلي كل تركيزك على فقدان الوزن)
  5. لم أعد ألقي بالا كبيرا لطول الوقت الذي أمارس فيه الرياضة، المهم الاستمرارية، حيث أنني في بعض الأيام قد أكون مرهقة أو مشغولة أو أشعر بالتعب سريعا فلا أجبر نفسي على الاستمرار في هذه الحالة. إن أمرًا مهمًا بالنسبة إلي أن أجعل خبرة ممارسة الرياضة ممتعة حتى أستمر.
  6. تقبلت فكرة أن هناك بعض الحركات التي لا أتقنها أو لا أتمكن من أدائها أصلا، إن من يقدمون هذه الفيديوهات مدربون محترفون، وليس هدفي المشاركة في بطولات أو تحقيق مراكز عالمية -ولا حتى محلية- مثلا!
  7. أصبحت أكثر مرونة فلا يجب أن أمارس الرياضة في وقت ثابت كل يوم، بل في الوقت المناسب لي بغض النظر عن كونه صباحا أو مساء أو في أي وقت.

وأخيرًا فإن كلمات السر التي تلخص كل ما سبق هي: الاستمتاع، الرفق بالنفس، المرونة.

 

هدي الرافعي

 

مواضيع أخري اخترناها لك:

تجربتي في إنقاص وزني 20 كيلو في أربعة أشهر!

ممارسة الرياضة … أفهمها صح!

 

Photo credit: Bigstock

 

 

كيف تحمي أطفالك من الانحراف
shareEmail this to someonePin on PinterestShare on Google+Tweet about this on TwitterShare on Facebook

هذا السؤال يدور فى عقل كثير من الأمهات. معظمنا يخاف على أولادنا من أن ينجرفوا بعيدًا عن المسار السليم في ظل زمن مليء بالمُغريات. فبعد تفكير طويل ودراسة توصلت لعدة نقاط أساسية إذا استخدمتيها مع أطفالِك سوف تنجحين في أن تجعلي منهم أولاد صالحين بإذن الله:

  • كونى صديقة طفلكِ: لا تأخذي بالمثل الشعبي: إن كبر ابنك خاويه …. بل لا بد من أن تكوني صديقته منذ الطفولة. حاولي أن تستمعي له ولمشاكله مهما كانت صغيرة. يجب أن تتعاطفي معه وتساعديه على حَلِّها. العبي معه وشاركيه اهتماماته. حاولي أن تكسبي ثقته وأن يتعود أن يصارحكِ بكل شىء.
  • أبعديه عن أصدقاء السوء: من خبرتي في الحياة اكتشفت ان صحبة السوء هي أكبر خطر على الطفل. يجب أن تتعرفي على كل أصدقائه وتراقبيهم، وأيضًا إذا أمكن أن تتعرفي على أمهات أصدقائه لكي تكوني على دراية كاملة بأخلاق الأسرة وطريقة تربيتهم للأطفال. وإذا لاحظتي أن هناك طفل لا تثقين بأخلاقه يتقرب من ابنِك أو ابنتِك. حاولي أن تبعدي ابنكِ عنه قبل أن يصبح صديق حميم. يمكنكِ أيضًا أن تكوّني مجموعة من أصدقائِك الأمهات اللاتي تثقين بهن، ويكون أولادهن متقاربين في العمر، فتنظّمن نزهاتكن سويًّا، فيكبر الأولاد مع أصدقاء صالحين. وأيضًا يمكنكن كأمهات الاتحاد معًا، ومعرفة كل التفاصيل، وإذا لاحظتن سلوك غير لائق يمكنكن تنبيه بعضكن.
  • ألحقيه برياضة يحبها: الرياضة شئ أساسي في تربية الأبناء، وهي تساعد بشكل كبير على ملء أوقات فراغهم بشئ مفيد، وتعطيهم هدف سامي يسعون وراءه دائمًا. يجب أن تلحقي ابنكِ أو ابنتكِ منذ الصغر في عدة رياضات مختلفة، وبعد ذلك لاحظي أي رياضة يحبها أكثر ومن السهل عليه أن يتفوق فيها؟ عند إذ يمكنه أن يختار الرياضة المُحببة إليه لكي يكمل فيها. حاولي ألّا تقعي في خطأ كثير من الأمهات اليوم يقعن به، وهو الضغط على الطفل أن يلعب رياضة معينة لا يحبها، لأنكِ أنتِ تحبيها أو تمارسيها. إذا فعلتي هذا بالتأكيد سوف يفشل، ومن الممكن أن يكره جميع الرياضات بسبب الضغط النفسي الذى تعرض له.
  • كونى مثله الأعلى: يجب أن تعلمي أن طفلكِ يتأثر بجميع تصرفاتِك. من أبشع الأخطاء التي تقع فيها الأم أن تنصح ابنها ألّا يفعل شئ، ثم يراها وهي تفعله! فمثلًا إذا شجعتيه على قول الصدق دائمًا، فلا يجب أن تكذبي أبدًا حتى ولو كانت “كذبة بيضاء” كما يقولون في مجتمعنا. فإذا فعلتِ هذا ولو مرة واحدة سوف يفقد ثقته بكلامِك، وأيضًا سوف يقوم بتقليدِك. وإنني أتعجب من الآباء والأمهات الذين يدخنون أمام أطفالهم، لكن لا يسمحون لهم بالتدخين في المستقبل! أريد أن أنبِّهكم أنكم أنتم المثل الأعلى لأطفالكم، فيجب أن تكونوا دائمًا مَثَل يُحتذى به.
  • راقبي ما يشاهده في التليفزيون: أبعدي طفلكِ عن مشاهدة التليفزيون أطول وقت ممكن، فيوجد كثير من الدراسات اليوم أثبتت أنه ليس من المُستحب أن يشاهد الأطفال -حتى الكارتون- قبل سن خمس سنوات. بعد هذا السن يجب اختيار ما يشاهده بدقة، واعلمي أن كثير من أفلام الكارتون تحتوي على أشياء خارجة. فالطفل في هذا السن من السهل أن يتأثر ويقلِّد أي شىء، فيجب أن تجعليه دائمًا يشاهد ما سوف يضيف إليه. ومن الأفضل أن تبعديه تمامًا عن الأفلام والمسلسلات الدرامية، لأن موضوعاتها وطريقة الحوار -للأسف- لا تصلح تمامًا للمشاهدة من قِبَل الأطفال، فهي تحتوي على ألفاظ ومشاهد خارجة بالإضافة إلى مواضيع لا تناسب سنه.
  • أبعديه قدر المُستطاع عن الألعاب الإكترونية والتابلت: اختاري بعناية الألعاب المفيدة، وحددي وقت معين في اليوم تسمحين لأطفالِك باللعب على التابلت أوألعاب الفيديو. اعلمي أيضًا أن بعض هذه الألعاب تسمح لطفلِك أن يتعرف على آخرين. فكثير من الألعاب تسمح للمشتركين أن يجروا حوارات ويتعرفوا من خلال هذه اللعبة على آخرين من الممكن أن يكونوا من سن مختلف ودول مختلفة، وهناك من يستغلون هذه الألعاب لاستدراج الطفل للخطف أو استغلاله جنسيًّا. فلقد قرأت تقريرًا صحفيًّا عن أم طفلة رأت رسائل على لعبة ابنتها الموجودة على التابلت من شخص يدعوا طفلتها لمقابلته في مول ما، ويشرح لها كيف تتعرف عليه؟ فذهبت الأم برفقة الصغيرة وبالفعل تعرفت عليه الأم، واكتشفت أنه رجل فوق سن الأربعين، ويقوم باستدراج الأطفال من خلال هذة اللعبة!
  • حددي استخدام الإنترنت في الأشياء المفيدة فقط: لا تدعي جهاز الكمبيوتر في متناول طفلكِ طوال اليوم. حددي أوقات معينة لاستخدامه، واسأليه دائمًا “ماذا يريد أن يفعل به؟”. كوني متواجدة بالقرب منه، وذكِّريه أن استعمال الإنترنت يكون للأغراض المفيدة فقط .
  • اجعليه مُتعلِّق بالله عز وجل: إذا نجحتي في أن تجعلي ابنكِ يتَّقي الله ويحبه، فإنكِ بهذا تستطيعين أن تطمئني عليه طوال حياته. فحبه لله ومخافته منه أيضًا سوف يعصمه من الوقوع في كثير من الأخطاء، ويحفظه من المشاكل. حاولي منذ صغره أن تجعليه يراكي دائمًا محافظة على صلواتِك. اشتري لابنتِك إسدال صغير، واجعليها تقف بجانبِك وأنتِ تصلّين، فمعظم البنات الصغيرات يحببن هذا ويقلّدن أمهاتهن وهن يصلّين. ارسلى ابنكِ مع والده إلى المسجد. اقرأي له قبل النوم حكايات الصحابة بطريقة سهلة تناسب عمره، ويوجد أيضًا كثير من الحكايات التي تناسب الأطفال مثل “قصص الحيوان في القرآن”. تحدثي معه دائمًا عن الجنة، وماذا يوجد فيها؟، وكيف ينالها بطريقة بسيطة؟ إذا كنتِ تقومين بأي نشاط خيري حاولي أن تصطحبيه معكِ وتشركيه بعمل بسيط يناسب سنة. وأيضًا من المهم جدًّا أن تلحقيه بمدرسة لتجويد وتحفيظ القرآن ولو مرة واحدة في الأسبوع، فالقرآن يحفظ الطفل ويزرع فيه القيم العظمية منذ الصغر.
  • الدعاء: وأن من أعظم أسباب صلاح الابناء كثرة الدعاء لهم والتضرع إلى الله ليصلحهم. وقد ذكر الله تعالى عن عباده الذين أضافهم إلى نفسه إضافة تشريف فقال : (وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً) . و ما يثبت ان للدعاء أثر عظيم في صلاح الأبناء ان خير خلق وهم الأنبياء والرسل كانو دائما يسألون ربهم ويلحون عليه سبحانه أن يصلح لهم ذرياتهم ،حتى إنهم دعوا الله تعالى من أجل ابنائهم قبل أن يولدوا. فكان سيدنا إبراهيم يطلب من الله تعالى أن يرزقه أبناء صالحين فقال: (رَبِّ هَبْ لِي مِنَ الصَّالِحِينَ). وأخيرًا أوصي الأمهات أن يدعُنّ بهذا الدعاء دائمًا إذا أردن أن يحافظ أولادهن على الصلاة (رَبّ اِجْعَلْنِي مُقِيم الصَّلَاة وَمِنْ ذُرِّيَّتِي رَبّنَا وَتَقَبَّلْ دُعَاءِ). وأخيرًا عليكِ بالرقية الشرعية يوميًّا، فهي تحفظ الأبناء -إن شاء الله- من كل سوء.

إني أعلم بوجود ضغوط كثيرة في الحياة قد تجعلكِ مُنشغلة عن أطفالِك من دون قصد منكِ، أو تجعلكِ تتركيهم معظم الوقت مع مُربية أو في الحضانة، لكن لا تستسلمي أبدًا، واجعلي وقت كافي في يومِك لأطفالِك فقط. فأولادكِ الصغار هم زرعة عمركِ، واهتمامكِ بهم -خاصةً في فترة الصغر وهي فترة تكوين شخصية الطفل- هام جدًّا. تعبكِ معه وهو طفل بالتأكيد سوف يقيه الكثير من المشاكل التي من الممكن أن يقع فيها عندما يكبر، وأيضًا سوف يرتاح قلبكِ، وتطمئني كثيرًا عندما يكون ابنكِ شاب صالح.

 

ريهام شريف

بكالوريوس إعلام ودراسات في علم النفس

الجامعة الأمريكية

 

مواضيع أخري اخترناها لك:

أنت و ابنتك صداقة مستمرة

في بيتنا مراهق

الملوك لا يدمنون المخدرات

ادمان الأطفال للتكنولوجيا و العلاج

 

الصورة: bigstock

 

فوائد أهمية ممارسة الرياضة للجسم للتخسيس
shareEmail this to someonePin on PinterestShare on Google+Tweet about this on TwitterShare on Facebook

ممارسة الرياضة شئ مهم جدًّا ولازم يبقى جُزْء من حياتنا، لكن بعض الناس عندها عادات ومفاهيم خاطئة حول ممارسة الرياضة.. وإللي من أكبرها إن الناس مُتَخَيّلة إن ممارسة الرياضة للتخسيس وبس!

 

طب هو مش ممكن ألعب رياضة عشان صِحّتي، والمحافظة على شَكْلي، وتقوية عضلاتي وأوِّلهم عَضَلَة القلب (أكتر عَضَلَة بتشتغل ومابترتَحْش) وزيّها زي أي عَضَلَة محتاجة تقوية. وبالتالي ضَخّ الدم في الجسم هيكون أقوى، وده هَيخَلّيك تشعر بتَحَسُّن في صِحِّتك ونشاطك اليومي، وده بنعملُه في كلاس الكارديو (Cardio).

 

على فكرة.. فيه ناس جِسْمُهُم كويّس جدًّا، لكن صِحِّتهم ضعيفة وبتتعَبْ من أقل مجهود زي طلوع السِلِّم دورين مثلًا! فالمفهوم إللي لازم نغَيَّرُه إن الرياضة أكبر بكتير من فكرة التخسيس، ولو شُفْت مثلًا أي كلاس آيروبكس في الدول الغربية هتلاقوا أغلب الحاضرين أجسامهم كويّسة جدًّا! للأسف الثقافة دي مش عندنا، وهي ممارسة الرياضة للمحافظة على اللياقة والصِحَّة الجيّدة. أنا بَشَجَّع كل واحد وواحدة إنهم لازم يكون ليهم نظام رياضي ثابت ومُسْتَمِر للمحافظة على نشاط الجِسْم، وبعد الانتظام هتلاقي نفسك قادر تِدّي في يومك مجهود أكتر بكتير من المجهود المبذول إللي كنت بتعملُه قبل ممارسة الرياضة .

 

هَنيجي لِلّي عايز يخِسّ.. الوزن الزائد محتاج منك قرار أوَّلًا، وبعدُه شويّة مجهود للتَخَلُّص منه. لازم تكون مُدْرِك ده كويّس عشان تقدر تواصِلْ لفترة طويلة، بمعنى إن مش بس الرياضة ساعتين في الإسبوع بس هي إللي هَتْخَسِّسَك في شهر! ليه الناس بتكون سايبة جِسْمها ومُهْمِلة فيه سنين، ولمّا تيجي تخِسّ تبقى عايزة نتيجة في شهر أو شهرين؟ !ده غير إن النظام الغذائي بيكون آخِر لخبطة, وده طبعًا ليه مُتَخَصِّصين لازم الاستعانة بيهم.

 

تعرف إن مواظبتك على ممارسة الرياضة هيعَلّي مُعَدَّل الحَرْق عندك بشكل كبير؟

 

يعني مثلًا, متوَسِّط مُعَدَّل حَرْق المرأة من 1400 لـ 1800 كالوري في اليوم، أمّا المرأة إللي بتمارس رياضة فتقدر تِحْرَق لـ 2400 كالوري في اليوم. ممارسة الرياضة 3 مَرّات في الإسبوع فأكتر تزيد من مُعَدَّل الحَرْق إلى 130 كالوري في اليوم الواحد.

 

واحدة واحدة على نفسك.. بلاقي ناس نِفْسها تخِسّ جدًّا، ومُتَحَمٍّسة جدًّا في الأوِّل، وعندها استعداد تتمَرَّن طول الإسبوع.. تفضل كده بالكتير أوي لمُدِّة شهرين، وبعدين ترجع تقعُد في البيت تاني! الرياضة مش قَفْش يا جماعة J.. واحدة واحدة على جِسْمَك, إنت سايب الرياضة من سنين، يعني عَضَلاتك ضعيفة جدًّا، فَماينفعش فجأة تِدّي العَضَلة حِمْل عالي بالشكل ده! التَدَرُّج هو الصح. ابدأ برياضة مَرّتين في الإسبوع لحَد ما جِسْمَك يتعَوِّد، وبعد فترة تقدر تزوِّد لـ ٣ مَرّات ثُمَّ لـ ٤ مَرّات.

 

إللي بيروح الچيم عشان يخِسّ، أو يشِدّ جِسْمُه، أو يزَوِّد اللياقة (Fitness).. أرجوك رَكِّز على هدفك، بمعنى إن البرنامج الرياضي لِلّي عايز يخِسّ غير لِلّي عايز يشِدّ غير لِلّي بيزَوِّد اللياقة ((Fitness. والمشكلة الكبيرة إن كتير من المُدَرِّبين في الچيم بيعملوا برنامج واحد للكُلْ ؛٣٠ دقيقة مَشّاية على ٣٠ دقيقة عَجَلة وياخدك يلَفِّفَك على كل الأجهزة.. وكده إنت اتمَرَّنْت! التمرين مش بكُتْرُه أو بزيادة مُدِّتُه. أنصحك باختيار الچيم إللي عنده مُدَرِّبين مُتَخَصِّصين (Certified Personal Trainer) عشان نَتَفادى المشكلة دي، ونفس الكلام في الآيروبكس.. لازم تكون مُدَرِّبة الآيروبكس مُعْتَمَدة (Certified Aerobics Trainer) عشان تستفيد استفادة قُصْوى من التمرين، وبدون احتمال التَعَرُّض لأي إصابة.

 

أخيرًا.. أحب أقولَّك: حِبْ نفسك واهتم بيها، العب رياضة عشان إنت أوَّلًا تكون راضي عن نفسك، وحابِب شَكْلَك، وتقدر تِطَلَّع طاقتك في المكان الصحيح، والساعة إللي هَتمارِس فيها الرياضة دي هَتكون بتاعتك لوحدك بعيدًا عن ضغط البيت والأولاد والشغل والحياة العامة.. وده هَيفرِق جدًّا في حالتك النفسيّة للأحسن طبعًا، وقُدْرة تَحَمُّلَك لمهامك باقي اليوم إن شاء الله.

 

دينا الهضيبي

Safe Certified Aerobics and Fitness Education Instructor.

 

مواضيع أخري اخترناها لك:

7 أشياء ستغيرها ممارسة الرياضة في حياتك!

عام بدون سكر! (تجربة حقيقية)

القواعد السهلة للأكل الصحي!

 

الصورة: Bigstock

 

تجربتي في إنقاص وزني 20 كيلو في خلال 4 شهور!
shareEmail this to someonePin on PinterestShare on Google+Tweet about this on TwitterShare on Facebook

 

المقالة دي مُلَخَّص تجربتي، ولكل إللي عملتُه علشان أَخِسّ، ويا رب تفيدكوا. أنا خَسّيت 20 كيلو تقريبًا في 4 شهور متواصلين، و8 شهور مُتَفَرّقين علشان فيه فترات كتيرة في النُصّ كنت ببقى ثابتة فيها، وبدون أي أدوية، أو عمليّات جراحيّة، ولا حتى رياضة.. دلوقتي بس بقيت أمارس الرياضة، لإني أدركت أهميّتها. أنا رُحْت لدكاترة دايت كتير، وعملت دايت قبل كده كتير وفشل، بس المَرّة دي نجح لسبب واحد، هو إن الحافز كان قوي عندي..

أوِّل وأهم حاجة حابّة أكَلِّمكوا عليها هي البداية.. لازم تقعد مع نفسك، وتفكَّر.. إنت عايز تخس ليه؟ مش هينفع تغيَّر إللي بَرّه قبل ما تغيَّر إللي جُوّه.. 🙂

البداية والعامل النفسي (الحافز):

من أهم الأسباب إللي بتخَلّينا ما نبدأش ناخُد خطوة الدايت، هو الخوف من الشعور بالحرمان.. ومع بدء الدايت، الشعور بالملل، والزَهَق، والإحباط لبُطء التقدُّم، وعلشان نقدر نتغَلِّب على هذه الصعوبات، لا بُد أن نشعل بداخلنا الحماسة، والتحفيز علشان نستمر ونصل للنهاية، وأكبر حافز يدفعنا للاستمرار، هو إننا نسأل نفسنا: (إحنا ليه عايزين نخس؟):

  1. أسباب تتعَلَّق بمظهرك (شكل اللِبْس عليك، أو شكلك في الصور، ودايمًا تبقى عايز تُقَف في النُصّ أو ورا في الصورة، علشان صحابك يداروك ومايطلعش شكلك طخين… إلخ).
  2. أسباب تتعَلَّق بنفسيّتك (ثقتك بنفسك بإن شكلك مش حلو، أو كلام الناس إللي حواليك).
  3. أسباب تتعَلَّق بحركتك (سهولة الحركة.. تخيَّل كده لو فضلت ماسِك بطيخة طول اليوم، نازل طالع خارج بيها، أكيد هتتعب! أهي البطيخة دي هي الدهون إللي مُتَراكمة في كل جسمك! أكيد هتفضل حاسِسْ إنك شايل حِمْل، وحركتك هتكون صعبة).
  4. أسباب تتعَلَّق بصحتك (العمود الفقري، والضغط، والسُكَّر، والخمول… إلخ).

الإرادة:

فيه ناس كتير أوي بعتتلي تقولّي: “أنا الإرادة عندي صفر!”، لكن أنا شايفه مفيش حاجة اسمها كده، لإن ده معناه إنك مش عايز تخس أوي، لإنك لو هتموت وتخس يبقى هتخس. الموضوع بيبدأ بقرار، وبعدين بتيجي الإرادة.. مَحَدِّش يتحَجِّج إنه مَعندوش إرادة. لازم يكون عندك هدف، وتفضل فاكرُه طول الوقت. 🙂

 

الإرادة بتمُر بـ3 مراحل:

المرحلة الأولى: اتمرَّد على عاداتك السيّئة. كل ما تبُص في المراية تبقى زهقان وقرفان من شكلك. لازم ترفض الوضع الحالي، واتمرَّد على الحاجة إللي مضايقاك، ولمّا تتمرَّد وترفض هيجيلَك الدافع إنك تبدأ.

المرحلة الثانية: اتجرّأ.. لازم تحس إنك تقدر تحقّق إللي بتحلم بيه. خُد الخطوة.. هتخسر إيه؟ ماتقولش: “أنا مش عارف أَخِس، أنا ضعيف ومش هعرف أَخِس، وحاولت قبل كده كتير وفشلت!”.. طب مانا حاولت قبل كده كتير وفشلت، وخَسّيت دلوقتي 20 كيلو، وفيه غيري خَسّ 40 و100 كيلو كمان.

المرحلة الثالثة: اتخيّل نفسك وإنت شكلك حلو، واللِبْس شكلُه حلو عليك، وإنت واقف على الميزان، وشايف الرقم إللي بتحلم بيه.. ولمّا تتخيّل هتجيلَك الإرادة.

 

مثال للنظام الغذائي إللي كنت ماشية عليه:

الفطار:

2 قطعه جبنة أي نوع، أو 2 بيضة مسلوقة، أو باكو بسكويت شاي، أو 6 قطع بسكويت دايجستف لايت، أو طبق فول.

الغذاء:

سمك، أو تونة، أو جمبري، أو كابوريا، أو سُبّيط، أو لحمة أو فراخ مشويين أو مسلوقين مع خضار أو سلطة بأي كميّة.

أو طبق مكرونة مع صلصة طماطم بأي كميّة بدون أي دهون.

العشاء:

فاكهة أي كميّة مع زبادي لايت.

 

  • وقبل النوم بساعة كوب زبادي لايت بسُكَّر دايت، وعصير ليمون.
  • خَصَّص يوم واحد في آخر الأسبوع لكسر الرجيم “يوم فري”.. هو مُجَرَّد لخبطة الجسم من نظام نمطي.
  • مسموح نصف رغيف عيش بلدي، أو 2 عيش سِنْ صغير، أو 2 توست سِنْ على مدار اليوم، وملعقة سُكَّر واحدة.

مشكلة الثبات في الوزن أثناء الرجيم..

فيه أسباب كتيرة منها:

إن كل ما الجسم ما بيقرَّب من الوزن المثالي بيصعُب فقدان الوزن، لإن الجسم بيحاول الحفاظ على نسبة مُعَيَّنة من الدهون لازم تكون موجودة فيه.

أو لإن فقدان نسبة كبيرة من العضلات إللي هي الأساس في عمليّة الحرق في الجسم نتيجة عمل رجيم غلط، أو الامتناع عن الأكل لفترات طويلة، والاستغناء عن وجبة الإفطار.

الحل: هو تزويد عمليّة الحرق عن طريق تقليل النشويّات، وممارسة الرياضة بشكل أكبر، وكسر الرجيم بعمل يوم أو 3 أيام فري حسب الحالة لإخراج الجسم من حالته النمطيّة. 

 

كيفيّة تزويد عمليّة الحرق في الجسم:

  1. شُرْب المياه الباردة، لإن درجة حرارة جسمنا بتكون 37 درجة، فلو شربنا مياه درجة حرارتها من 10 إلى 15 درجة بتخفِّض درجة حرارة جسمنا، ومُعَدَّل الحرق بيشتغل أعلى، وبتعوَّض الفرق ده من الدهون إللي في جسمنا. وضع عَصْرة ليمون أيضًا على الماء بيعلّي الحرق.. ممكن تعمل إزازة مياه وعليها ليمون، وتحُطّها في التلّاجة، وتفضل تشرب منها طول اليوم، أو تاخُدها معاك الشغل.
  2. نظام الأكل وتوزيعته على مدار اليوم له عامل كبير في عمليّة الحرق. لازم كل 3 أو 6 ساعات ناكُل وجبة خفيفة (برتقانة، أو علبة زبادي، أو خيار وطماطم… إلخ).
  3. فحص الغُدَّة الدَرَقيّة، لإن هي الأساس في عمليّة الحرق.
  4. الحالة النفسيّة تلعب دورًا كبيرًا جدًّا فى نجاح نظام الرجيم، فكلّما كانت معنويّاتك مرتفعة، ازدادت قدرة جسمك على حرق السُعْرات الحراريّة، أَمّا إذا كنت في حالة نفسيّة سيّئة فستقبل على تناول السُكّريّات، وبالتالي يزيد وزنك وتقل نسبة حرق السُكّريّات والدهون في جسمك.
  5. وضع عصير الليمون على الأكل بيعلّي الـ metabolism  المسئول عن حرق الدهون والسُكّريّات.
  6. الزبادي قبل النوم بعَصْرة ليمون بيحفِّز هرمون التخسيس، وعند عمل هذا الهرمون بكفاءة ممكن يحرق حتى 80 جرام دهون صافي في كل ليلة.
  7. ممارسة الرياضة قدر المُسْتَطاع للحفاظ على الكتلة العضليّة في الجسم، فهي تنشِّط الدورة الدمويّة، والعامل الحارق الأساسي في الجسم، وممارستها في الصباح أفضل لإن مُعَدَّل الحرق بيكون أعلى.
  8. كوب ماء مغلي وعليه معلقة كمّون، ونُصّ معلقة زنجبيل، ورُبْع معلقة قرفة، و2 شريحة ليمون بقشرته، وممكن معلقة عسل.. الوصفة دي 3 مرات قبل كل وجبة بتعلّي الحرق، وبِتْسِدْ النِفْس، وبتقوّي المناعة.. ممكن ماتنزلش في الوزن على الميزان، لكن في الحجم كإنّك نزلت 7 كيلو، لإننا كل ما بننزل في الميزان بنخس من العضلات، لكن كل ما تخس من الحجم بتكون خَسّيت من الدهون.

 

الرياضة :

أنا في الأوّل ماكُنتش بمارس رياضة خالص، بس بعد كده اكتشفت إن الرياضة مهمّة جدًّا علشان مارجعش أطخن تاني بسرعة، لإن الدهون بتدوَّر على المكان إللي العَضَلة فيه ضعيفة، وتخزِّن فيه الدهون، لكن لو عضلات الجسم قويّة فالدهون مش هتلاقي مكان تتخزِّن فيه لإن العضلات هتحرقُه.

لو مَعندكش الإمكانيّة أو الوقت إنك تروح جيم، أو مش مشترك في نادي ممكن تعمل رياضة من البيت.. وحاول ماتركبش الأسانسير وتنزل السْلِّم، واتحرَّك في البيت والشغل على قد ما تقدر، أو تروح وترجع كل يوم مشي من الشغل أو من أي مشوار.

شَفْط البطن أثناء المشي أو الجلوس للتخلُّص من الكِرْش، لإنها بتقوّي عضلات البطن.

الشعور بالجوع: 

  1. مع دخول الشتا الجوع بالليل بيزيد جدًّا.. الحل في البروتينات زي؛ المشويّات، أو الأسماك، أو التونة، أو مُنتجات الألبان الدايت، أو البيض المسلوق.. البروتين بالليل بيشبَّع ويحفِّز الحرق.
  2. أكل الشوربات والسَلَطات بدون دهون قبل أي وجبة أحسن طريقة لتقليل تناول كميّات من الوجبة الرئيسيّة، لإن الشَبَعْ يبدأ تلقائيًّا من المُخ بعد 20 دقيقة.
  3. ممكن ناكُل جنين القمح على كوب زبادو لايت.. بيكون طعمُه حلو جدًّا، ومفيد جدًّا للصحة، وفيه فيتامينات كتيرة، ومش بيطخَّن، وبيشَبَّع، وبيعمل على زيادة الطاقة العضليّة.. رخيص، وممكن تشتريه من أي صيدليّة.
  4. ممكن ناكُل أي نوع من الفاكهة ما عدا التين، والبلح، والعنب، والموز، والمانجة بأي كميّة، وشُرْب عصاير بيور من غير سُكَّر بأي كميّة.
  5. ممكن برضه ناكُل الخضار، والسَلَطة، وزبادي لايت بأي كميّة في أي وقت.
  6. الشوفان ممكن نحُطُّه على اللبن سُخْن، وعليه قرفة أو على الزبادي بيشبَّع جدًّا، وبيحَسِّن عمليّة الهضم، ويُسْتَحْسَن ناخدُه على الفطار.
  7. كوب ماء مغلي وعليه معلقة كمّون و2 شريحة ليمون بقشرته بيسِدْ النِقْس جدًّا.

الخروجات والعزومات:

ساعات كتير لما بنخرج مع صحابنا، أو بنبقى معزومين برّه بنبقى مش عارفين ناكُل إيه؟ حاول تنقّي أَخَفّ حاجة على قد ما تقدر، واعمل الحاجات دي هتساعدك:

  1. ماتكِّسِفش إنك تطلب طلب مخصوص مش موجود في الـ menu، واسأل عن إمكانيّة إعداد الطعام بالطريقة المناسبة لك.
  2. اطلب أي حاجه مشويّة بدون زيت، أو سَلَطة بأخف صوص مثل صوص الطماطم بدل الكريمة.
  3. اطلب مشروبات دايت، أو عصائر بدون سُكَّر.
  4. اطلب ساندوتش بالمستردة بدلًا من المايونيز.
  5. ماتفوِّتش وجبة قبل ما تروح العزومة أو الخروجة، علشان ماتاكُلش كتير هناك.
  6. اجعل يدك مشغولة بمياه أو عصير حتى تتناول كميّات أقل باليد الأخرى.

 

نصيحة:

  1. لازم تحَبِّب نفسك في أكل الدايت، وتعمل الأكل بشكل جيّد.. يعني مش لازم تاكُل كل يوم فراخ مشويّة بنفس الطريقة.. ممكن تعملها مثلًا فاهيتا بالخضار، والزعتر، والريحان، أو النعناع، ومعلقة زيت زيتون.
  2. امنع أكل النشويّات والسُكّريات بعد المغرب، لإن الجسم لا يحرقها جيّدًا بل يحوّلها إلى دهون.
  3. شُرْب الماء مهم لتنشيط كل الأعضاء، ومنهم الكبد لحرق أفضل، فالبول لا بُد أن يكون لونه فاتح لضمان أن الجسم يُخرِج المواد التي حُرِقَت بصورة طبيعيّة.. فاللون هو المؤشِّر لكم.
  4. فيه ناس عندها هَوَس الميزان.. بتوزِن نفسها كل يوم صبح وليل، وفي كل مَرّة بتوزِن نفسها تلاقي الوزن مختلف على مدار اليوم، ففي الصباح غير المساء! الميزان لازم يكون في توقيت مُعّيَّن، بملابس مُعّيَّنة، بظروف واحدة.. لكن كل يوم لأ، لإنه هيؤدّي إلى إحباط، وإنك تسيب الرجيم. الميزان لازم يكون في نهاية الأسبوع بس.
  5. مش مشكلة لو لخبطت، أو خرجت مَرّة، وأكلت حاجة نِفْسك فيها.. المهم ترجع تكمِّل دايت مش تكمِّل لخبطة.. 🙂

 

آخر مرحلة وهي التثبيت: 

 من أسباب فشل الدايت إن ناس كتيرة بعدما بتخس بترجع تتخن تاني، لإن بيجيلها الإحساس بإنها خَسِّت خلاص يبقى ترجع تاكُل تاني زي ما هي عايزة! لازم من أوِّل يوم تبقى عارف إنك بتغيَّر سلوكك وطريقتك في الأكل، مش بتاكُل أكل مُعَيَّن لفترة مُعَيَّنة وهترجع تاكُل تاني زي الأوِّل، لإنك لو أكلت تاني زي الأوِّل شكلك هيرجع تاني زي الأوِّل برضه.

أنا في التثبيت باخُد يوم فري، و بعدين 3 أيام بحسِب فيهم باخُد السُعْرات المناسبة لوزني.. لمعرفة السُعْرات اليوميّة لكل شخص، اضرب وزنك في20 تقرييًا.. يعني لو وزنك 70 كيلو، اضرب 70 ×20= 1400 سُعْر في اليوم. ده للتثبيت، لكن لو عايز تخِس بتشيل منهم 400 أو 500،  يعني هتكون محتاج كل يوم من 900 إلى 1000 سُعْر علشان تخس، وكل واحد وطبعًا لوحده بيعمل رياضة هتكون أزيد شوية بس دي بالتقريب. ولازم تبقى عارف إن كل 7000 سُعْر حراري زيادة بيزوّدك كيلو دهون، وممكن تنزِّل جدول سُعْرات الأكل من على الإنترنت. ماينفعش تقول أنا هلخبط النهارده وهعمل رياضة علشان أحرق إللي أكلته! يعني مثلًا مشي ساعة بيحرق 200 سُعْر، وقطعة جاتوه فيها من 500 إلى 1000 سُعْر، فالرياضة مش هتحرق إللي أكلته، والدهون هتتخزِّن، وهتطخن.

 

وفي النهاية:

الكلام ده  للشخص السليم فقط، وفي حالة وجود أي مرض يُرْجَى الرجوع إلى الطبيب المُخْتَص.

حاول تاخُد عهد على نفسك من الآن أن تستمر في الرحلة مهما كانت الصِعاب، لتصل إلي هدفك.

 

راندا موسي

مواضيع مميزة

عام بدون سكر (تجربة واقعية)!

9 نصائح للأكل بوعي!

القواعد السهلة للأكل الصحي

 

0 1373
ممارسة الرياضة المدرسة واجبات تنظيم
shareEmail this to someonePin on PinterestShare on Google+Tweet about this on TwitterShare on Facebook

.

من ٨ سنين و أكتر و أنا بلاحظ ظاهر غريبة فى النادى أو أماكن التمارين الرياضية… خير اللهم اجعله خير على شهر 5 و 6 النادى يتملى و

الأطفال أحباب الله فى كل مكان و زحمة فى كل الرياضات و كل المواعيد زحمة…قلت لنفسى و الله حاجه تفرح برده العقل السليم فى الجسم السليم و دى أمهات المستقبل و أيوه هى دى التربية و ده الجيل الصح الفَلته .

و سبحان الله بقدرة قادر تلاقى على شهر 9 و 10 النادى رجع فاضى و هدوووووء و التمارين أصبح فيها ربع عدد الأطفال…طيب يا جماعه فين العقل السليم و الجسم السليم ؟؟؟ فين الأمهات اللى القمرات اللى كانوا هنا ؟؟؟؟؟؟  فين أحباب الله ؟؟؟؟؟

و فضلت أسأل لحد ما لقيت إجماع على إجابه بالنسبالى كانت صدمة و هى ؛

“أصل الدراسة بدأت و يا دوب الوقت على أد المذاكرة و التعليم أهم“….

بجد صُدمت !

تعالوا نتناقش بموضوعية و هما حلين يا هتقتنعوا يا هتقتنعوا : )

  1. مفيش شك إن الدراسة مهمة مع إن التعليم بتاعتنا عايز يتنسف بس هنمشيها.

  1. الدراسة دى عمود من عواميد الحياة لكن فى عواميد تانية كتير منها (الرياضة – العبادات – الإجتماعيات – الهوايات )…لو بنينا أشيك مبنى على عمود و احد هيقع لازم مجموعة كاملة من العواميد تشيله علشان الحمولة تتوزع عليهم .

  1. طيب نعمل إيه فى الوقت الضيق و المذاكرة ؟؟؟ بصى حبيبتى الأم دورنا إننا نساعد ولادنا و نعلمهم مقومات النجاح يعنى أعلمه ينظم وقته وحياته أعلمه أن فى وقت للمذاكرة ووقت للتمرين و ده بأهمية المذاكرة بالظبط مفيش غياب منه و وقت يوم الجمعة للزيارات العائلية و وقت لحفظ القرأن و برده دوول بأهمية المذاكرة بالظبط .

  1. نجاحك إنك تساعدى إبنك يوصل للرياضة اللى يلاقى نفسه فيها عادى ممكن يجرب رياضة و اتنين و خمسة لحد ما يلاقى نفسه فى فى واحدة ووقتها من حُبه للرياضة هيركز فى مدرسته علشان يرجع يعمل واحباته بسرعه و يجرى على تمرينه .

  1. حقيقة جداً : معظم المتفوقين دراسياً متفوقين رياضياً لأنهم إتعلموا إنهم لازم يفصلوا علشان يؤدوا بكفاءه أعلى .

  1. لو إبنك مستواه متوسط دراسياً و متميز رياضيا هيحس إنه متفوق فى حاجة و ليه قيمة مش إنه ضعيف دراسيا يبقى خلاص هو كده فاشل فى كل حاجة و ممكن نلاقيه فعلا جاله إنهيار عصبى بعد نتيجة الثانوية لأن التعليم كان المحور الوحيد لحياته! لأ طبعاً الحياة فيها جوانب تانية و ده هيديه ثقه فى نفسه و تَقَبُل لإمكانياته .

  1. طيب وقت الإمتحانات أعمل إيه ؟  عادى زى أى وقت تانى هو منظم نفسه و مذاكرته من أول يوم عندنا مثلا ساعتين مذاكرة خلصوا يالا على التمرين أيوه ليلة الإمتحان عاااااااادى قلنا الدراسة زى الرياضة زى الهوايات و العبادات و غيره .

  1. الرياضة بتعلم الولاد الإعتماد على نفسهم و الإستقلال و الثقة بالنفس و تقبل الهزيمة و السعى للنجاح و المكسب و إحترام القوانين و المرؤه و مساعدة غيرهم و الألتزام و تنظيم الوقت و غير كده كتيييييييير .

  1. على فكره من أهم فوايد الرياضة إنها هتعلمهم يشتغلوا تحت ضغط بُكره هيكون راجل كبير و مسؤل و أكيد هيكون عنده ضغط شغل وقتها مش هيكون متعصب و مش عارف يسيطر على نفسه و متوتر و منكد على زمايله و مراته و مش طايق مُديره بالعكس هيكون متعود من وهو صغير ينظم وقته و يقسم  شغله و يشتغل على حسب الجدول اللى عامله لنفسه و هيكون فاهم إنها مرحله و هتعدى .

كل دى مهارات و خبرات حياتيه مهمه أوى فى حياتهم و هتفرق فى شخصياتهم.

كلمتين بينى وبينك : و قت الفراغ + الطاقة = كارثة حقيقية و حذرنا منها النبى   (ص) لو ابنك ما دخلش رياضة من بدرى و بدأ يكبر فيها و يدخل فريق هيجى على بداية المراهقة 8 – 9 سنوات هيجننك من التطلعات و عنده طاقة و فراغ و ده لحد ١٩ سنة هتبقى قلقانه من السجاير  و المخدرات و الصحوبية و الشهوات فالأفضل ليكى و ليه إنه يتشغل قى تمرينه و هيروح من كتر الإرهاق هتكون أقصى أمانيه إنه ينام و كده تكونى قدرتى تملى وقته فى حاجة مفيدة ليه ووفرتى القلق و الصدام اللى هيحصل بينكوا.

 10. نيجى بئه لدور الأم المثاليه فعلا أيوا حضرتك بالظبط كده … دورك أنك تختارى مواعيد مناسبة قدر المستطاع فى الدراسة بحيث يناموا كويس و تكونى محضرة غداهم من بدرى و محضرة اللانش بوكس اللى هتاخديه ليهم فيها الفاكهة بتاعتهم أو الحاجة الحلوة اللى هياكلوها بعد التمرين و طبعا تكون فيها قيمة غذائية عالية ومن إيديكى  الحلوة و تكونى مساعداهم فى تجهيز لبسهم علشان أول ما يرجعوا ياخدوا الدش بتاعهم.

أنتى كمان متنسيش تستثمرى وقتك و أنتى بتتفرجى على ولادك فى التمرين ممكن تستغفرى أو تقرأى الورد بتاعك أو تقرأى كتاب مفيد لكن مهم اوى تتفرجى على ولادك وتشجعيهم و ممكن تصوريهم و تعمللهم فيديو ممتع و يكون مفجأءه حلوه ليهم : )

حبيبتى الأم صاحبة الرؤية المتميزة و الفكر الراقى متنسيش تجددى نيتك فى تربية أولادك و عددى النوايا.

ملحوظة حقيقية : كل سنة بعد ما التمرين يرجع يتملى بالأولاد فى بداية الصيف بسأل الولاد على درجاتهم الدراسيةو فى كل الرياضات اللى سألت الولاد فيها أصحاب أعلى درجات هما اللى واظبوا على الرياضة صيف شتا حقيقة و الله على مدار السنين وفعلاً شخصياتهم متميزة جداً عن باقى الأطفال .

حبيبتى إستمتعى بكل وقت مع ولادك فى دراسة و إجازة و فى سفر و حتى فى الأزمات إفتكرى إنها مرحلة و هتعدى المهم نحاول يكون لينا دايماً ذكريات حلوة معاهم فى كل مرحلة.

.

ساره مصطفى هاشم

مدربة معتمدة فى التربية الإيجابية

 

[اقرئي أيضا: نظافة الآنسات]

[اقرئي أيضا: أنا و بنتي و واجب العربي]

[اقرئي أيضا: أبنائنا و الأجازة الصيفية]

[اقرئي أيضا: حكاياتي مع دادي]

[اقرئي أيضا: منيو اللانش بوكس]

[اقرئي أيضا: بنتي شعرها خشن!]

[اقرئي أيضا: خروج الجيل عن السيطرة]

[اقرئي أيضا: 5 قواعد للتعامل مع الطفل العنيد]

[اقرئي أيضا: الhome schooling – قصة حقيقية]

 

المحافظة علي وزنك في رمضان
shareEmail this to someonePin on PinterestShare on Google+Tweet about this on TwitterShare on Facebook

 

حتي تحافظي علي وزنك خلال شهر رمضان الكريم هناك بعض التعليمات الغذائية التي ينبغي عليكي اتباعها:

  1. يجب تثبيت و تنظيم أوقات الوجبات قدر الامكان على أن تكون وجبات صغيرة متعددة بين الإفطار والسحور.
  2. بدء الإفطار بسكريات مثل:
  • كوب عصير فريش غير مثلج بدون سكر أو سكر دايتأو 3 تمرات مع 2/1 كوب لبن خالى الدسم غير مثلج.
  1. احرصي علي كوب ماء قبل أى وجبة (3 لتر / اليوم ).
  2. المحافظة على الصلاة وخاصة التراويح.
  3. يجب المحافظة على المشى المنتظم كل يوم 2/1 ساعة.
  4. الشوربة :- دايت أو منزوعة الوش (1-2) مغرفة.
  5. يفضل الطهى الصحى مثل: نى فى نى – طواجن بالفرن – أكياس الفرن الحراري – مشوى.
  6. يفضل المشروبات الحارقة للدهون مثل: العرق سوس و التمر هندى و الكركاديه و اليمون و الجزر و البرتقال و الجوافة (بدون سكر أو سكر دايت).
  7. وجبة السناك: عبارة عن فاكهة أو بولة فروت سلاد بسكر دايت أو بولة آيس كريم  أو حلويات شرقية في حجم 2/1 كف اليد (و التي يسموح بها مرتين أسبوعيا فقط) و تكون بعد الأكل بساعتين ، ويفضل بين الفطار والسحور.
  8. ابتعدي عن الآتي (الممنوعات):

 

  • الممنوع   فى رمضان.
  • المخللات.
  • المحمرات.
  • المسبكات.
  • الماء المثلج فى بدء الفطار.
  • المياه الغازية.
  • المنبهات وقت السحور.
  • شرب الشاى بعد الأكل مباشرة.
  • أكل السكريات أو الفاكهة مباشرة بعد الوجبة (الصواب بعدها بساعتين).

[اقرئي أيضا: مين قال دايت؟]

[اقرئي أيضا: 7 أشيا ستغيرها ممارسة الرياضة في حياتك]

 

د. منال سعود

ماجيستير العلوم الطبية الاساسية

عضو الجمعية المصرية لدراسة السمنة

عضو الجمعية المصرية للابر الصينية

 

مع تمنياتنا لكِ بدايت سعيد و المحافظة علي وزنك و رشاقتك دائما…

 

أولادنا والأجازة الصيفية
أولادنا والأجازة الصيفية Photo credit: bigstock
shareEmail this to someonePin on PinterestShare on Google+Tweet about this on TwitterShare on Facebook

 

الأجازه هاتبدأ و هيبدأ فصل جديد في حياتنا زي “أنا زهقان مش لاقي حاجة أعملها أو عايز أخرج أو الأجازه مملة “, وهنا إحنا كأمهات نبدأ سلسه لا تنتهي من محاولات إيجاد حلول مرة و خناق و زعيق مرة و صراع لا ينتهي مع خوف مستمر من إنجراف أولادنا في سكك كتير خطيرة زي إدمان ألعاب الكمبيوتر و البلاي ستيشن أو الإنضمام إلي أصحاب سوء.

و السؤال هنا نعمل إيه ؟ نسيبهم يعملوا اللي هما عايزينه ولا نمنعهم وكلا الأمرين مش صح لابد من الوسطيه و ترك مساحه لهم للتحرك و بناء شخصياتهم لكن بمتابعه من الكبار مع توفير حلول بديله .

طب ما هي المجالات اللي ممكن نساعدهم فيها ؟

أولا : القراءه

هاتقولولي أولادنا ما بتحبش القراءه لكن في طرق كتير لتحببهم فيها فمثلا الأولاد بتحب المجلات المصوره و الكوميكس أبدئي معاهم بيها و دوري عليها و لو أجنبيه كمان تبقي أحسن بعد التأكد من المحتوي هاتبقي حبيبتيهم كمان في اللغة و بتقويها من غير ما يحسوا بعد كده شوفي المجالات اللي بيحبوا يقروا فيها و نميهالهم وأعمللهم جوائز بعدد الكتب المقرؤه أو حفزيهم إنك هاتنقشيهم في الكتاب بعد ما يخلصوه و كدة تبقي نميتي معهم الأرتباط بالأسره و فتحتي قنوات إتصال معاهم .

ثانيا : الهوايات :

كل شخص لدية نقاط تفوق و لابد للأهل من ملاحظتها لذلك الأجازه الصيفية فرصة لتتعرفي علي أولادك أكثر و تعرفي هما بينمو إزاي و مميزين في إيه. و طبعا مميزات أن تجدي لأبناءك هواية لا تعد ولا تحصي مثل أيجاد طرق يقدروا يستخدموها وقت الضيق عشان يخرجوا فيها غضبهم , كمان زيادة ثقته في نفسه لمعرفته تميزه عن أقرانة في هواية معينة. و الهوايات كثيره مثل الكتابة والرسم والتصويروالصيد.

ثالثا : الرياضه :

تعتبر متنفس أولادنا البدني وعند إختيار الرياضة لابد أن نضع في الحسبان قدرات أولادنا البدنية و ميلهم للألعاب الفردية أو الجماعية و هناك ألعاب ذهنية و حسابية تغفلها الأهالي فلابد من شرح للأولاد أنواع الرياضات و توجيههم .

رابعا : النشاطات الإجتماعية :

لأولادنا قدرات هائلة قد لا نتخيلها و من النشاطات المهمة الأعمال الإجتماعية مثل المشاركة في محو الأمية و مساعدة المحتاجين و تنظيم رحلات لزيارة و مساعدة مستشفيات الأطفال و دور المسنين و ستلمسين أحساس رائع في أولادك.

 

و المختصر المفيد :

الأباء منارة الأبناء…لا تتركوا عقول أولادكم تتلاعب بها شاشات لا فائدة منها فكونوا انتم الدليل.

 

 

شيماء عصام

Certified Youth ,Parents ,Family coach

W.C.I. (U.S.A.)

 

كما يمكنك قراءة المقال المترجم: لا يستطيع الصغار استخدام لعبة المكعبات بسبب إدمان الآي باد

 

shareEmail this to someonePin on PinterestShare on Google+Tweet about this on TwitterShare on Facebook

 

إليكي عزيزتي بعض النصائح الهامة التي تساعدك علي ذلك

أوﻻ : ممارسة أي نوع من أنواع الرياضة بصفة مستمرة ودائمة علي اﻷقل مرة أو مرتين بالإسبوع.
ولتكن هذة الرياضة رياضة المشي ,ولكن احرصي أن يكون المشي بطريقة سريعة وجادة ,وأن تتراوح مدة المشي ما بين نصف ساعة أو ساعة ,ولكي ﻻ تشعرين بالتعب واﻹجهاد حاولي تنظيم تنفسك بدخول وخروج الشهيق والزفير بطريقة منتظمة وثابتة , وأخيرا ً عزيزتي ﻻ تنسي أن تقومي بذكر الله والاستغفار أثناء ممارستك لهذه الرياضة

ثانيا : الطريقة الصحية في تناول الطعام والشراب, قومي بتعويد نفسك علي تناول اﻷطعمة المفيدة والصحية والتقليل من اﻷطعمة التي تضر جسدك وتزيد من زيادة وزنه بدون فائدة ,ولضمان ذلك عليكِ أن تتمسكي بأن يكون هذا نمط حياتك فلا تحرمي أو تمنعي نفسك من تناول اﻷطعمة الممتلئة بالدهون والسكريات والنشويات فقط لفترة مؤقتة.

لذا عزيزتي لابد أن تفهمي جيداً أن الأمر ما هو إلا معادلة سهلة وبسيطة فجسمك يحتاج الي كل هذه المواد ,ولكن ما هي الكمية التي يحتاجها وكيف؟
يحتاج الجسم عادة إلي الدهون ولكن بنسبة قليلة جداً جداً ,لذا يفضل أن تقللي منها قدر الإمكان ولكن مع مراعاة عدم الامتناع عنها بشكل نهائي, ونفس الأمر بالنسبة للسكريات والنشويات.
وإذا ألحت عليكِ الرغبة لتناول بعضا ً من الحلويات فحاولي التقليل من الكيمة التي أعتدتي تناولها بشكل تدريجي كل مرة, ويفضل أيضا ً مع الوقت التقليل من عدد المرات التي تتناولين فيها الحلوى بجانب التقليل من كميتها , وتذكري دوما ً عزيزتي أنك ِ أنت ِ صاحبة السيطرة على طعامك فلا تجعليه هو أبدا ً المسيطر عليك ِ, تحدي نفسك ِ وتغلبي عليها وإختاري الوقت المناسب لتناول طعامك وكذلك الكمية والنوعية المناسبين.

فعلي سبيل المثال يمكنك ِ تناول هذه الأطعمة في الصباح مع الإفطار ﻷن أجسامنا تعمل بكفائة عالية في حرق كل ذلك مع بداية اليوم وتبدأ كفائته تقل تدريجياً علي مدار اليوم ,لذلك احرصي دائماً علي ذلك وتجنبي تناول الوجبات الدسمة آخر اليوم وخاصة أثناء الليل وقبل النوم , فﻻبد أن تكون آخر وجبة تتناوليها قبل النوم بساعتين علي اﻷقل.

وأخيرا ً عزيزتي احرصي دائماً علي تناول كمية كبيرة من الماء في الصباح وبين الوجبات وقبل النوم ,فأجسامنا مبنية علي الماء وتحتوي علي نسبة كبيرة جداً منه , “و جعلنا من الماء كل شئ حي” , فالماء يساعد على قيام الجسم بوظائفه الحيوية بطريقة سليمة وصحية ,ويعمل أيضاًعلي نضارة البشرة وعدم جفافها ,كما يسعادك ِ علي التقليل من رغبتك الزائدة في اﻹقبال علي الطعام .

واحرصي كذلك – بصفة عامة – على عدم الاسراف في الطعام والشراب وعدم تناولهم بكميات كبيرة حتى الامتلاء, وذلك حتى تحمي نفسك ِ من متاعب كثيرة أنت ِ في غنى عنها, وتذكر دوما ً (( ثلث لطعامك – ثلث لشرابك – ثلث لنفسك )), فإذا أتبعتي ذلك كله ستجدين نتيجة رائعة ومبهرة إن شاء الله.

 

كابتن رانيا السيد

مدربة الأيروبكس بأكاديمية تاجان الرياضية

 

shareEmail this to someonePin on PinterestShare on Google+Tweet about this on TwitterShare on Facebook

    
تلعب الرياضة دورا هاما في حياتنا ، وهي تلعب هذا الدور منذ الصغر ، فالرياضة ضرورية جدا بالنسبة للأطفال حيث أنها تساعد على بناء الجسم بشكل صحي وسليم ، وتعمل أيضا على تحسين وظائف الجسم ، وكما قالوا قديما: العقل السليم في الجسم السليم و قيل أيضا: علموا أولادكم السباحة و الرماية و ركوب الخيل. لذلك علينا الاهتمام بأولادنا منذ الصغر وتوجيههم إلى ممارسة أنواع الرياضة المختلفة بما يتناسب مع ميولهم وقدرتهم الحركية ، فهناك فروق فردية بين كل ظفل وآخر فلابد من مراعاتها حتى لا يصاب الطفل بالإحباط ويبتعد عن ممارسة الرياضة.

  ولكي نكتسب هذه العادة الصحة ونمارسها طوال حياتنا يجب:

  1.  أن نكون مستمتعين بالوقت الذي نمارس فيه الرياضة

  2. أن نحب الرياضة التي نمارسها حتى تصبح نمطا من أنماط الحياة اليومية الصحية التي لا غنى عنها في الكبر ، مما يساعدنا في الحفاظ على أجسامنا بشكل صحي وجميل.

 

كابتن رانيا السيد