10 نصائح لتدوم سعادتك

10 نصائح لتدوم سعادتك

0 1092
10 نصائح لتدوم سعادتك
10 نصائح لتدوم سعادتك
shareEmail this to someonePin on Pinterest0Share on Google+0Tweet about this on TwitterShare on Facebook0

كتبت هناء لطفي :

نظل منتظرين نهاية الأسبوع لأجل يوم الإجازة، ونظل ننتظر نهاية الشهر لأجل الراتب، ونظل ننتظر نهاية العام لأجل المكافأة السنوية، يمضي العام تلو العام ويمر العمر ونحن ننتظر! ننتظر الفرحة التي لا تأتي .. وننتظر أن تضحك لنا الأيام.

خليك إيجابي واترك محطة الانتظار. قرر تعيش اليوم واللحظة .. متستناش!

وقل لنفسك: لن تهزمني المسئوليات ولن يكسرني من خذلوني ولم يحفظوا العشرة والعيش والملح، ممكن أقع بس هرجع أقوم إن شاء الله وأكمل بتحدي أقوي من الأول، مهما حصل فلن أستسلم!

إليكم بعض النصائح لتساعدكم على دوام السعادة:

  1. المحافظة علي الصلوات الخمس في أوقاتها، وتذكروا هذه الجملة من كلام الحبيب المصطفى صلي الله عليه وسلم ” أرحنا بها يا بلال “، روحوا لربنا وصلوا واشتكوا إلى الله  اسألوه سبحانه أن يسعدكم, فالصلاة تريح النفس.
  2. الإكثار من الاستغفار
  3. البعد عن أي شئ يسبب لك ضيق: ابتعد عن أي شئ يضايقك، ابتعد عن الناس الزنانة ابعد عن الناس اللي تعاملاتك معاهم بتسبب لك وجع نفسي،اشترِ راحتك وابعد عنهم وأنت الكسبان، الناس دول مدمرين للحياة ولو مضطر تتعامل معاهم يبقي لازم تتعامل باسلوب إن مهما يعملوا كأنك مش معاهم تخرج من القعدة معاهم وأنت مقرر إنهم ما يستحقوش أنك تضايق علشانهم .
  4. اعمل أي حاجة بتحبها: يعني لو بتحب الخروج اخرج واستمتع بكل حاجة تسعدك، بتحب الكتابة اكتب, اقروا كل أسبوع كتاب أو قصة مفيدة تضيف ليكم حاجة جديدة شوفوا اللي بتحبوه واحرصوا أنكم تخصصوله وقت.
  5. أهم حاجة طبطبوا علي نفسكم لأن ممكن ماحدش يطبطب عليك وممكن ماحدش يحس بيك، اهتموا بنفسكم ومتنتظروش ده من حد.
  6. تصدقوا, أطعموا المساكين, اكفلوا يتيما، خلي فيه عمل خير صلة بينك وبين ربنا، اعملوها في الخفاء بينكم وبين ربنا.
  7. قراءة القرآن.
  8. بر والديك واكسب رضاهما بدعوة حلوة.
  9. لو فشلت اوعي تضايق قوم وكمل وخلي عندك حسن ظن بالله أنه هيكرمك، الفشل مش النهاية أنت تستحق النجاح عافر وهتوصل باذن الله.
  10. مارس رياضة خفيفة ولو المشي كل يوم نص ساعة، وناموا ساعات كافية تقومو بعدها كلكم حيوية ونشاط، ربنا يسعدني ويسعدكم.

 

photo credit: Bigstock

 

NO COMMENTS

Leave a Reply