ياجماعة أنا خلاص هيجرالى حاجة من الشخصيات الشكاية عمال على بطال! ….. دى بقت ظاهرة منتشرة والواحد بيلاقيها فى كل حته وتفشت فى مجتمعاتنا لدرجة عجيبة….
أنتي غلطتك إنك بتتصلي تطمني عليها وعلى أسرتها؟! .. وأنت صاحية معنوياتك فى السما وعايزة تفرحى لكل خلق الله بكل حاجة جميلة بتحصل لهم … وتكون الطامة لما تسألى بعبارة المجاملة العادية ….إيه الأخبار إن شاء الله تكونوا بخير؟ … بس خلاص كدة! أنتي مش هتلحقى تاخدى نفسك بعد الكلمتين دول …
هتقولك وهى بتتنهد شوفتى اللى حصلى امبارح مين وقع من فوق السفرة ومين أتهبد من على السرير……وشوفت اللى حصل لمحسن مش مديرة قاله شغلك زى الزفت وشوف لك حل ربنا يستر بأه !!!!!!! كل ده علشان اشترت أنتريه جديد لازم سيمفونية الشكوى دى علشان فى الآخر تقولك أنها جابت الأنتريه أو إبنها نجح والحمد لله .. طب ليه تسودى لى الدنيا؟ كده ده أنا صاحية منشرحة وسعيدة مصيتى طاقتى كلها ورسمتى عينيا مكسورة لتحت .. مش هديك الفرصة…. بالاقى نفسى بأقولها طيب ربنا يحفظكم وألف مبروك الأنتريه والنجاح وبهرب …..النوعية دى إهربى منها وبأسرع مايمكن قبل ماتتشفط كل طاقتك الإيجابية ….
أنا بقيت أرجع ده لتقصيرنا فى فهم ديننا وتوكلنا على الله لإن لو متوكلين على الله حق التوكل هنعرف أنه لن يصيبنا إلا ماكتب الله لنا ولو بنخاف شوية من الحسد عارفين إن قراءة القرآن والأذكار هى سلاح المؤمن …خلصت …مش محتاجين الخشب والشكوى والخمسات والكلام الفارغ ده!
ايمان المنصوري
مواضيع أخري اخترناها لك:
photo credit: Bigstock
اترك تعليقاً
يجب أنت تكون مسجل الدخول لتضيف تعليقاً.