أشياء يفتقدها المصريون بالخارج في رمضان

.

أي حد عايش في أي بلد برة مصر و دخل شهر الخير رمضان الكريم عليه….أكيد بيفتقد شواية حاجات من مظاهر رمضان في مصر….زي مثلا:

الأهل و الأصدقاء فرمضان عند المصريون شهر اللمة و العزومات و الزيارات و الأكل من إيد ست الحبايب!
الفانوس المصري الجميل و الي اعتادنا أن نشتريه كل رمضان من و احنا صغيرين. (حتي لو عملوا منه نماذج مشوهه بس لسه فيه الفانوس البسيط النحاسي).
مدفع الإفطااااااااااااااااااااااااااااااااااااااااار اضرب! تقريبا محدش عنده مدفع للفطار إلا المصريين, المسلمين في العالم كله بيفطروا علي الآذان الا المصريين عندهم مدفع
صوت القرآن في مكبرات الصوت في المساجد قبل آذان المغرب برضو غالبا محدش بيشغل قرآن في مكبرات الصوت

الا عندنا في مصر!

زينة رمضان و جو رمضان في الشارع و في كل تفاصيل الحياة.
المسحراتي….بوم بوم بوم اصحي يا نايم….بوم بوم بوم….وحد الدايم….بوم بوم بوم….رمضان كريم!
السهر فالمصريين في رمضان لا ينامون بالليل تقريبا!
جو شراء لبس العيد و العيدية و زيارة الأقارب.
الحلويات الشرقية لها طعم مختلف تماما في مصر.
نقشة الخيامية الحمرا الي بتغطي مصر فاجاءة في رمضان و مشهد سرادق موائد الإفطار المجانية في الشارع.
تهنئة دخول شهر رمضان بقول “رمضان كريم”.

و رمضان كريم….فريق عمل مج لاتيه.

يجب أنت تكون مسجل الدخول لتضيف تعليقاً.

مج لاتيه