دايمًا الناس مُتخيّلة إن السعادة والحصول عليها أمر صعب وبعيد، وإنه يتطلّب إنه يبقى معاك فلوس كتير، وإنه مايبقاش فيه مشاكل في حياتك.. لكن الحمد لله الموضوع مش كده.. الموضوع ببساطة إن السعادة دي شئ ينبع من الداخل مش من الخارج، وعشان كده من رأيي إن السعادة ليها 3 مفاتيح:
- الرُكْن الروحي: زي ما في الغرب بيلعبوا يوجا وألعاب أخرى عشان يغذّوا نفوسهم (النفس)، إحنا كمان عندنا من الموضوع ده، وهو الصلاة والعبادات عمومًا. لو دخلت في الصلاة أو في أي عبادة بإحساس إنك إنت إللي محتاجها مش إنها عمل إجباري، هتحصّل المعنى ده وعشان كده النبي (ص) كان بيقول: “أرحنا بها يا بلال”.. آه فعلًا.. سبحان الله العبادات فعلًا غذاء للروح وسبب للصفاء والهدوء النفسي.. الحمد لله.
- الرُكْن الجُسماني: ببساطة كُلْ أكل صحّي، وخفّف من الجانك، والعب رياضة.. بس كده.. لإن الأكل الصحّي هيحافظ على صحتك وجسمك، ولِعْب الرياضة هيضيف القوّة وجمال الشكل والنشاط.. غير إن الرياضة بتساعدك إنك تخرّج الشُحنة السلبيّة إللي جوّاك.
- الرُكْن العقلي: اقرأ حتى لو نُصّ صفحة كل يوم. مهم أوي إن يومك يكون فيه قراءة، لإن ده بيجدّدلك أفكارك ودماغك، وبيرتقي بتفكيرك، وبرضو بيبعث الراحة النفسيّة والسعادة لِلّي متعوِّد على القراءة.
حاول يكون في حياتك الـ 3 جوانب دول.. أو زي ما بسمّيهُم (مُثلَّث السعادة)!
مواضيع أخري اخترناها لك:
