نصائح للهواه و المبتدئات في الكتابة

نصائح للهواه و المبتدئات في الكتابة

حاولي أن:

موضوع المقالة  يبقي إيجابي بقدر الإمكان طبعا في مواضيع حزينة بطبعها مفيش مانع منها بس لو في منها ثمرة…..مش نكد من أجل النكد و خلاص!

المقالة تبقي مفيدة و هتشد الناس.

المقالة تبقي بتضيف حاجه جديدة برضو بقدر الإمكان.

أول سطرين في المقالة هما دول الي هيحددوا للقارئ يكمل المقال للنهاية و لا لا فخدي بالك منهم جدا.

كلامك يبقي واضح و سهل التطبيق. فكري في صياغة الجملة كويس لإننا في فريق العمل مش بنحب نغير أسلوب أي جزء مكتوب في مقالة بس للأسف ساعات بيبقي في أفكار مش واضحه كويس للقارئ.

اكتبي بطريقتك انت, و لو مش عارفه تكتبي تخيلي إنك بتحاولي تشرحي فكرتك لواحده صاحبتك…اهي هي دي طريقتك انت….سيبي بصمتك في المقالة!

كل ما كان المقال أقصر كل ما كانت فرص أن الناس تقرأه أكتر…

لو المقالة مثلا عبارة عن مجموعة نصايح ممكن تبدئي أول سطرين في المقالة توضحي ليه النصايح دي مهمة و هتفيد في ايه.

بلاش تستخدمي مصطلحات تخصصية مبيفهمهاش غير المتخصصين في مجال معين….انت بتكتبي مقالة هيشوفها جمهور عريض مختلف و متنوع.

بعد ما تخلصي كتابة,  اقرئي المقالة علي بعضها كذا مره و مفيش مانع تعرضيها علي واحده صاحبتك و قيمي هل المقالة هتحقق الهدف منها؟ هل هتوصل المعلومه الي عاوزه تقوليها ببساطه؟

مع تمنياتنا لكي بتجربة كتابية سعيدة….!

فريق عمل مج لاتيه