ست بيت و أفتخر!

ست بيت و أفتخر!

0 2644
ست بيت سعيدة
shareEmail this to someonePin on Pinterest0Share on Google+0Tweet about this on TwitterShare on Facebook0

.

لو إنتي سِت بيت مابتشتغليش، وقاعدة في البيت، احتمال كبير – زي كتير جدًّا من الستات – يكون جوّاكي صراع لا نهائي من الأفكار، ودايمًا حاسّة بإنّك أقل من الستات إللي بتشتغل، وإنّك لازم تبرّري للمجتمع قعدتك في البيت، وإن الفرق بين الست إللي بتشتغل وإللي قاعدة في البيت زي الفرق ما بين الإنسان المتحضّر والإنسان البدائي، وبتتحرجي قوي لمّا قرايبك أو صحابك يكلّموكي عن الـ Career، والكيان، والاستقلالية، والفلوس، وساعات يحسسوكي إنّك متخلّفة، وغير منتجة، وعالة علي المجتمع!

 

أبسولوتلي!.. على فكرة القعدة في البيت رفاهية ونعمة لا يتمتّع بها الكثيرون، لإنّك مش مضطرّة تقومي من تحت البطانية في البرد، ولا تنزلي في الزحمة، وتجري علشان تلحقي تختمي، علشان مايتخصمش منّك آخر الشهر، ولا تتحمّلي ضغط الشغل، ومعاد تسليم المشروع، ولا سخافة مديرِك، ولا إسفينات زمايلك، وترجعي تجري برضو، علشان تعملي الأكل، وتحمّي العيال، و تذاكريلهُم، و تقعدي من يوم الأحد تستنّي الويك إند، علشان ترتاحي شوية… علي العكس.. إنتي عندك طول الأسبوع وقت ليكي و لولادك، علشان تربّيهم أحسن تربية، وتطلّعيهم أشخاص منتجة ومفيدة لمجتمعهم، و في رأيي دي أسمى وظيفة في الدنيا إللي فطرنا ربنا عليها.

 

المرة الجاية لمّا حد ييجي يسألك: “إنتي بتعملي إيه طول النهار؟”، ارفعي راسك مع ابتسامة خفيفة وقوليله: “ولا حاجة”، لإنه مش هيفهم إنك بتعملي كل حاجة ولإنك مش مطالبة تبرّري ولا تثبتي لحد حاجة.

(كل الاحترام والتقدير للستات إللي بتشتغل لمجهودهم الرائع و جدعنتهم اللي بـ 100 راجل)

 

هبة سمير

 

 

[اقرئي أيضا: أسطورة المرأة الخارقة]

[اقرئي أيضا: الأم العاملة ماذا تفعل بعد انتهاء أجازة الوضع؟!]

[اقرئي أيضا: حتي لا تكوني بطة… أفكار لتنمية ذاتك و استغلال مهاراتك]

[اقرئي أيضا: 9 أشياء تحتاجين لاضافاتها لحياتك]

[اقرئي أيضا: 8 نصائح حتي تكوني أما سعيدة]

[اقرئي أيضا: أنتِ بطلة!]

[اقرئي أيضا: البحث عن صديقة]

[اقرئي أيضا: لماذا أنظف منزلي؟]

[اقرئي أيضا: لماذا أطبخ لأسرتي؟]

[اقرئي أيضا: عين الحسود فيها عود]

 

NO COMMENTS

Leave a Reply