أهمية الهويات في حياتك – هوايتك إيه؟

أهمية الهويات في حياتك – هوايتك إيه؟

2 1404
أهمية الهويات في حياتك
أهمية الهويات في حياتك Photo credit: Bigstock.com
shareEmail this to someonePin on Pinterest0Share on Google+0Tweet about this on TwitterShare on Facebook0

 

 

الهواية حاجة مهمة جدا لأي ست لإن الست بيبقي عليها ضغوط و مسئوليات كتير أكتر من الراجل و خصوصا لو بتشتغل أو عندها أولاد (او الإتنين) فبتبقي وسيلة ترفيه و تسلية و كسر لروتين الحياة. كمان لو عندك هواية ده هيشغلك اي وقت فاضي عندك (لو فيه) لحاجه مفيدة بحيث انه حياتك متباقش بتدور حوالين جوزك و أولادك خصوصا كمان لو جوزك من النوع الإجتماعي الي بيحب يخرج مع أصحابه فساعتها فعلا الهوايا بتاعتك هتملالك وقتك. كمان اي واحدة عندها هوايا بتمارسها بإنتظام بتبقي شاطرة قوي في المجال ده و ده بيديها ثقة في نفسها و إحساس بالنجاح…

طب إيه الهوايات المفيدة الي ممكن تمارسيها؟ في حاجات كتير طبعا منها:

  • الأعشاب العطرية: في ستات شاطرين قوي (عقبالنا كدهJ) بيزرعوا الأعشان العطرية زي النعناع و اللافندر و ما شابة بيزرعوهم عندهم جوه المطبح في اصيص صغير (كل واحده علي حدي) و بيعرفوا يعملوا منهم حاجات جميلة جدا سواء زيوت أو يجففوهم و يستخدموهم كديكور و حاجه بتبث رائحة جميلة و كمان بيعملوا منهم مشروبات و خلطات للبشرة و للشعر…الي أحلي كمان أنك ممكن تهادي بيها أصحابك و قرايبك.
  • الخط العربي: لو بتحبي الرسم أكيد ممكن يستهويكي إنك تتعلمي الخطوط العربية الجميلة و بيها تقدري تعملي لوحات جميله أو ترسمي بيها علي قماش الخدديات مثلا….و أسهل طريقة لتعلم الخط العربي هو إنك تحضري دورة تدريبية.
  • الblogging أو الكتابة علي الإنترنت: أصبح من السهل دلوقتي إنك تعملي أكونت علي أي موقع من مواقع الblogging زي مثلا bloggers.com والي بيوفرلك مجانا صفحة خاصة بيكي علي النت تكتبي فيها الي تحبيه, ممكن تعملي مثلا بلوج و تكتبي فيه معلومات عن هوايتك و يبقي موقع تعليمي متخصص في مجال هوايتك و تزوديه بالمقالات و الصور.

 

أهمية الهوايات في حياتك - كروشيه
أهمية الهوايات في حياتك – كروشيه Photo credit: Bigstock.com

 

و طبعا لو انتي عندك هوايا أو حاجه معينة بتحبيها ممكن تنميها بأنك:

  • تاخدي الموضوع جد بأنك تخصاصيله وقت من يومك عشان تمارسي فيه هوايتك.
  • تقرأي فيها كتير و تشوفي فيديوهات كتير ليها من علي النت.
  • تشتري كتب بتتكلم عن الموضوع ده و ازاي كمان ممكن تكبريه و تحاوليه لمشروع صغير.
  • لو تقدري تاخدي دورة تدريبية فيه هتسهل عليكي كتير الي كنتي هتتعلميه لوحدك في شهور هتتعلميه في حصة.
  • اشتركي في المنتديات و الجروبات (علي الفيس بوك) المتخصصه لأصحاب الهوايا دي.
  • متيأسيش و مفيش حاجه صعبة و انتي أكيد مش أول واحده تحاول تتقن الهوايا دي و دايما افتكري “لو في حد عملها يبقي انا كمان اقدر اعملها”.
  • اشتركي في المواقع الي هتساعدك تبيعي منتجاتك و من أشهر المواقع العالمية موقع etsy.com و في غيرة طبعا. المواقع دي ممكن تعرضي عليها حاجتك و ناس من مختلف أنحاء العالم يشوفوها و يطلبوها منك و فاضل بس إنك تتعلمي التعامل مع شركة شحن و يبقي ليكي مشروعك الصغير الخاص بيكي! في كمان موقع fiverr.com و أكيد في مواقع أخري ممكن تساعدك تبيعي منتجاتك للعالم!

 

في هوايات انتشرت في الفترة الأخير منها:

  • التصوير و العقبة الكبيرة في الهوايا دي هو سعر الكاميرات المخصصة للموضوع ده الي بيبدأ من 5000 الاف جنية تقريبا.
  • الكروشية و التريكو و في صفحات متخصصة ليها زي مثلا شغل أبرة
  • الخبز و المخبوزات و الكيك و الكاب كيك و الحلويات.
  • الطهي بشكل عام
  • الرياضة
  • القراءة
  • الأوريجامي و هو فن صناعة أشكال 3Dمعقدة بالورق مثل ضفدع أو بقرة مثلا.
  • صناعة الإكسسوارات سواء من الذهب أو الفضة أو المواد الأخري الغير مكلفة.
  • صناعة الشموع العطرية.
  • صناعة الصابون و أذكر في أحدي زياراتي للسعودية وجدت محل بالكامل متخصص فقط في بيع الصابون و بيبعه بالوزن و بتبقي علي شكل شريحة من تورتايه!
  • الخياطة و في ناس بتحب التطريز فقط يعني بتجيب خداديات سادة مثلا أو مفارش و تطرزها.
  • الرسم علي القماش زي التيشرتات و الخداديات.
  • تجفيف الزهور و تنسيقها في لوحات و نحوه…

 

انتي بقي هواياتك ايه؟

 

فريق عمل مج لاتيه

 

2 COMMENTS

Leave a Reply