روقان – صباحكو لاتيه!

روقان – صباحكو لاتيه!

روقان
روقان
shareEmail this to someonePin on Pinterest0Share on Google+0Tweet about this on TwitterShare on Facebook0

اكتشفت أن بعض الستات بتصحي الصبح ضاربة بوز تلاقي الواحدة من دول و بصراحة كده مش بتحب تصحي الصبح وده من كتر المسئوليات الي عليها أنها تعملها أول اما تصحي، اللانش بوكس .. و تلبس وتسرح وتغير للأطفال الحلويين و و و و لدرجة أنها بتحس أنها تايهة وان الدنيا زحماااااااااااااااااااااااااه.

المهم كل ده اتكوم كده فوق بعضه وتراكم وخلى النتيجة واحدة مش :: في ستات مش بتحب تصحي الصبح! فأنا قررت عملا بمقولة “صباح الخير”  اني أعالج الموضوع ده وإليكم الطريقة:

1.       عارفين البسكوت الي بعجوة الي من الفرن ده؟ و التاني الي محشي ملبن ده؟ اكيد عارفينهم و بسكوت الشاي والبقسماط حاولي تخلي عندك منهم بقدر الإمكان لأنهم بيسعفوا الواحد لما بيبقي صاحي مش شايف أدامه و مدروخ ويترنح من العيال

2.       لااااااااااااازم تشربي مج لاتيه (امال انا عملت المجله ليه؟) مع مراجعة البند رقم 1

3.       حبة كلام علمي بقي, بيقولك ثبت في دراسة علمية قامت بها طبيبة نفسية من جامعة هارفرد أن الستات الي بتشوف ورد اول اما تصحي الصبح بتحس بسعاده أكتر في البيت وبتكون أكثر نشاطا في شغلها و لهذا ينصح الستات أنهم يبقي عندهم ورد طبيعي في بيتهم (وطبعا حطيه بعيدا عن متناول الاطفال عشان مش طالبة نكد، انتي جايبة ورد تفرفشي بيه مش عشان تعملي عليه خناق وتقعدي تحلّقي عليه من الأولاد )

4.       كمان ثبت علميا في دراسة تركية أن النوم علي الجنب الشمال يسبب ضغطا علي بعض الأعضاء مثل الكبد و المعدة والرئة و بناء عليه نامي علي الجنب اليمين (و بالمناسبة السعيدة دي أذكرك أنك تاخدي نية أن النوم علي الجنب اليمين سنه عن النبي صلى الله عليه وسلم)

5.       اشربي عصير برتقال مع الفطار الصبح لأنهم اكتشفوا أن رائحة البرتقال الفرش بتؤدي إلي الراحة النفسية و دي من دراسه برازيليه (بجد)

6.       اخيرا نامي بدري و متنميش معيطه ابداااااااااااااا…متخليش حاجه تنكد عليكي أبدا مفيش حاجة تستاهل

 

و صباحكو لاتيه 

 

ساره طاهر

 

photo credit: bigstock

 

1 COMMENT

  1. ههههههههههههههههههههههههههه
    مقالك عسل
    وبالفعل ان الحاجات المحشيه عجوه بتنقذنى
    وطبعا فنجان القهوه التمام
    وبخصوص الورد اخاف اجيبه الواد ياكله

     

Leave a Reply